२५० किलोमिटर रेन्ज दिने प्रिमियम इलेक्ट्रिक मोटरसाइकल नेपाल आउने

नेपाली बजारमा एकपछि अर्को नयाँनयाँ ब्रान्डका इभी आयत हुने क्रम तिव्र वन्दै गएको छ । सोही क्रममा चीनबाट अर्को नयाँ प्रिमियम इलेक्ट्रिक मोटरसाइकल नेपाल आउन लागेको छ । इभोक इलेक्ट्रिक बाइकको नेपालका लागि आधिकारिक वितरक इन्डुरो मोटर्सले चीनबाट अर्वान एस नामको नयाँ वाइक ल्याउन लागेको हो ।

अर्वान एसमा कम्पनीले १०.०४ किलोवाट आवरको लिथियम ब्याट्री प्याक जडान गरेको छ । सो ब्याट्रीलाई एकपटक फूल चार्ज गरेपछि २५० किलोमिटर रेन्ज पाउन सकिने कम्पनीको दावी छ । साथै यसमा २० किलोवाटको मोटरहव दिइएको छ । सो मोटरको पिक पावर २००० वाट र टर्क २०९ एनएम रहेको छ । वाइकलाई १४० किलोमिटर प्रतिघन्टाको उच्च गतीमा हाँक्न सकिन्छ ।

इभोकको सो मोटरसाइकलमा एलइडी लाइटिङ सेटअप, व्लुटुथ र वाइफाई सपोर्ट गर्ने ५ इन्चको टीएफटी डिस्प्ले, अगाडी चक्कामा डुअल डिस्क र पछाडी सिंगल डिस्क व्रेक सहितको कम्वाइन व्रेकिङ सिस्टम र अगाडी डुअल शक इन्भर्टेड फर्क र पछाडी मोनोशक सस्पेन्सन लगायत फिचर्स पाउन सकिन्छ ।

सो मोटरसाइकलको मूल्य अन्तराष्ट्रिय बजारमा ८ हजार डलरसम्ममा बिक्री हुँदै आएको छ । नेपाल आउँदा यसको मूल्य कतिपर्छ भनेर अहिले नै यकिन भइनसकेको बिक्रेता कम्पनीले जनाएको छ ।