१३ हजारसम्मले महंगो भयो टिभिएस बाइक, यस्तो छ ७ मोडलमा वढेको नयाँ मूल्य

टिभिएस मोटरसाइकल तथा स्कुटरको नेपालका लागि आधिकारिक वितरक जगदम्बा मोटर्सले ७ वटा बाइकमा मूल्य बृद्धि गरेको छ । कम्पनीले सवैभन्दा कम आरटिआर–१६० फोरभी र टुभीमा ३ हजार रुपैयाँका दरले वढाएको छ भने आरटीआर–२०० एविएस एफआईमा सवैभन्दा वढी १३ हजार रुपैयाँ बृद्धि गरेको छ ।

यसअघी ३ लाख १२ हजार ९०० रुपैयाँ निर्धारण गरिएको आरटिआर–१६० फोरभीको नयाँ मूल्य ३ लाख १५ हजार ९०० पु¥याइएको छ भने टुभीको नयाँ मूल्य २ लाख ९४ हजार ९०० तोकिएको छ । यसैगरी यसअघि ४ लाख ११ हजार ९०० मा बिक्री हुँदै आएको आरटीआर–२०० एविएस एफआईको नयाँ मूल्य ४ लाख २४ हजार ९०० पु¥याएको छ ।

मूल्य बृद्धि भएका वाँकी ४ मोडलमध्ये आरटिआर १६० फोरभी एफआईमा ९ हजार वढेको छ । यसअघि ३ लाख ८३ हजार ९०० मा बिक्री हुँदै आएको सो मोटरसाइलको मूल्य वढेर ३ लाख ९२ हजार ९०० पुगेको हो ।

स्कुटरतर्फ भने कम्पनीले एनटर्क एक्सपी, एनटर्क रेस विएस६ र एनटर्क ड्रममा ४ हजार रुपैयाँका दरले मूल्य वढाएको छ । यी स्कुटरको मूल्य ३ लाख २० हजार ९००, ३ लाख ५ हजार ९०० र २ लाख ३६ हजार ९०० पुगेको छ ।