यूनिकर्नको इन्जिनमा नयाँ मोटरसाइकल ल्याउँदै होन्डा

जापनिज टु ह्विलर निर्माता होन्डाले आफ्नो लोकप्रिय मोटरसाइकल यूनिकर्नको प्लेटफर्म सेयर गरी नयाँ मोटरसाइकल एसपी–१६० ल्याउने भएको छ । सो नयाँ मोटरसाइकलको डिजाइन यूनिकर्नबाट प्रेरित हुने र पावरट्रेन पनि यूनिकर्नकै प्रयोग गर्ने जनाइएको छ ।

नयाँ मोटरसाइललाई होन्डाले अर्को महिना लच्न गर्नसक्ने आँकलन गरिएको छ । सो मोटरसाइकलमा १६२.७ सीसी क्षमताको एयर कुल्ड, सिंगल सिलिन्डर बीएस–६ फेज टु इन्जिन जडान गरिनेछ । जसको पावर १२.९ एचपी र टर्क १४ एनएम रहनेछ । मोटरसाइकलमा ५ स्पिड गियरवक्स जडान गरिनेछ ।

सो मोटरसाइकलले बजाज पल्सर पी–१५०, हिरो एक्सट्रिम–१६० आर, यामाहा एफजेड भी–४, टिभीएस अपाचे आरटीआर–१६० लगायतसंग प्रतिस्पर्धा गर्नेछ ।