सुदूरपश्चिम प्रदेशमा सवारी कर कति ? यस्तो छ दर

नेपालमा हाल प्रदेश अनुसार सवारी साधनको कर तोकिएको छ। सुदूरपश्चिम प्रदेशले पनि त्यसै अनुसार करको दर निर्धारण गरेको छ।

सुदूरपश्चिम प्रदेशमा मोटरसाइकल तथा स्कुटरको वार्षिक कर २५०० देखि ९ हजार रुपैयाँसम्म रहेको छ। यसमा १२५ सीसीसम्मको लागि २५००, १२६ सीसीदेखि १५० सीसीसम्मको लागि ४५००, १५१ सीसीदेखि २५० सीसीसम्म ५५००,
२५१ सीसीदेखि ४०० सीसीसम्मको लागि ८००० र ४०० सीसीभन्दा माथि ९००० रुपैयाँ रहेको छ।

यो प्रदेशमा भने निजी विद्युतीय सवारीसाधानको समेत वार्षिक कर तिर्नुपर्छ। विद्युतीय मोटरसाइकल तथा स्कुटर ५०० वाटसम्म १०००, ५०० देखि १००० वाटसम्म १५००, १००१ वाटदेखि १५०० वाटसम्म २००० र १५०१ वाटभन्दा माथि ३००० रुपैयाँ तिर्नुपर्छ।

यसैगरी कार, जिप, भ्यान र माइक्रोबस १००० सीसी क्षमतासम्म १९ हजार, १००१ सीसीदेखि १५०० सीसीसम्म २१ हजार, १५०१ सीसीदेखि २००० सीसीसम्म २३ हजार रुपैयाँ वार्षिक कर तर्नुपर्छ। यसैगरी २००१ सीसीदेखि २५०० सीसीसम्मका सवारीले ३२ हजार, २५०१ सीसीदेखि २९०० सीसीसम्म ३७ हजार र २९०१ सीसीभन्दा माथि सबैले ५३ हजार रुपैयाँ वार्षिक कर तिर्नुपर्छ।

यस्तै विद्युतीय कार, जिप, भ्यान र माइक्रोबस ४९ किलोवाटसम्म १० हजार, ५० किलोवाटदेखि १२५ किलोवाट क्षमतासम्मको १५ हजार, १२६ किलोवाटदेखि २२५ किलोवाटसम्मको लागि २० हजार र २२६ किलोवाटभन्दा माथि सबैले ३० हजार रुपैयाँ वार्षिक कर तिर्नुपर्छ।

यसैगरी डोजर, एक्साभेटर, लोडर, ट्रिपर वा क्रेन जस्ता मेशिनरी उपकरण तथा मिनी ट्रिपरको पनि कर बढेको छ। जसमा डोजर, एक्साभेटर, लोडर वा क्रेन ट्रिपर जस्ता मेशिनरी उपकरणको ३५ हजार र मिनीट्रिपरको २५ हजार रुपैयाँ लाग्छ।
ट्रयाक्टरको कर ४ हजार र पावर टिलरको १ हजारसम्म छ। यस्तै मिनिबस र मिनि ट्रकको २०००० र ट्रक वा ठुला बसको ३०००० रुपैयाँ वार्षिक कर लाग्छ।

भाडामा भएका सवारीको हकमा यस्तो छ दर
भाडामा भएका सवारी कार, जिप, भ्यान र माइक्रोबस १३०० सीसी क्षमतासम्म ८ हजार, १३०१ सीसीदेखि २००० सीसीसम्म १००००, २००१ सीसीदेखि २९०० सीसीसम्म ११००० रुपैयाँ वार्षिक कर तर्नुपर्छ। यसैगरी २९०१ सीसीदेखि ४००० सीसीसम्मका सवारीले १३००० र ४००० सीसीभन्दा माथि सबैले १५००० रुपैयाँ कर तिर्नुपर्छ।

डोजर, एक्साभेटर, लोडर वा क्रेन ट्रिपर जस्ता मेशिनरी उपकरणले १५०००, ट्रेक्टरले १५००, पावर ट्रिलरले १०००, मिनिट्रक वा मिनि बसले १००००, मिनि ट्रिपरले १२०००, ट्रक बसले १६००० रुपैयाँ वार्षिक कर तिर्नु पर्ने हुन्छ।

यसैगरी विद्युतीय भाडाका सवारीमा ४९ किलोवाटसम्म २५००, ४९ किलोवाटदेखि १२५ किलोवाटसम्म ४५००, १२५ देखि २२५ किलोवाटसम्म १००००, र २२५ किलोवाटभन्दा माथि सबै १५ हजार रुपैयाँ वार्षिक कर तिर्नु पर्छ।