सिंहदरबार भित्र एकै पटक ५ फास्ट चार्जर सञ्चालनमा

काठमाडौं – सिंहदरवार परिसरका विभिन्न स्थानमा ५ वटा डीसी फास्ट चार्जिङ स्टेसन संचालनमा आएको छ ।

सिंहदरवार परिसरमा पुग्ने जसले पनि आफ्ना सवारी साधन चार्ज गर्न सक्ने गरी ती चार्जिङ स्टेसन संचालनमा ल्याइएको हो । इलेक्ट्रिभा नेपालले ती चार्जिङ स्टेसन निर्माण गरेको हो ।

सरकारले सन् २०३० सम्ममा विद्युतीय गाडीको प्रयोग ब्यापक बनाउन भन्दै चार्जिङ पूर्वाधार निर्माणमा काम गरिरहेको छ । यस अनुसार विभिन्न स्थानमा नेपाल विद्युत प्राधिकरण लगायत निजी संस्थाहरुले समेत चार्जिङ स्टेसन निर्माण गरिरहेका छन् ।