सेगवेको मनसुन अफर : १५ हजार छुटका साथ थप सुविधा उपलब्ध हुने

काठमाडौं – नेपालका लागि सेगवे इलेक्ट्रिक स्कुटरको आधिकारिक वितरक आईहब प्रालिले मनसुन अफर ल्याएको छ । यस अन्तर्गत कुनै पनि मोडलको इलेक्ट्रिक स्कुटर किन्दा १५ हजार सम्मको नगद छुटका साथै रेनकोट, स्कुटर कभर, हेल्मेट र एक वर्षको सडक दस्तुर छुट सहितको फ्रि मर्चेन्डाइज लगायतका सुविधा उपलब्ध हुनेछ ।

यो अफर असार १५ देखि शुरु भएको हो र आगामी साउन १५ सम्म लागू हुनेछ ।

नेपाली बजारमा सेगवेका ई१००, ई११०एल, ई१२५ र एन१०० गरी विभिन्न ४ फरक मोडल उपलब्ध छन् । यी स्कुटर ब्लु, रेड, ब्ल्याक, ह्वाइट र सिल्भर गरी विभिन्न ५ फरक कलरमा उपलब्ध छन् ।

सेगवेका इलेक्ट्रिक स्कुटरमा रिभर्स मोड, जीपीएस ट्रयाकिङ, क्रुज कन्ट्रोल, सिट सेन्सर र एन्टी–थेफ्ट अलार्म लगायतका विभिन्न अत्याधुनिक फिचर उपलब्ध छन् ।

त्यसैगरी यी स्कुटरमा २२ देखि २७ लिटर सम्मको बुट स्पेस उपलब्ध छ, जहाँ ग्राहकले फुल साइज हेल्मेट लगायतका सामान राख्न सक्छन् । यसैगरी डबल ब्याट्री अप्सनमा यी स्कुटर उपलब्ध छन् ।

सेगवेले ब्याट्री रेन्टल, ब्याट्री स्वाइप, अनरोड असिस्टेन्स आदि थप सुविधा समेत उपलब्ध गराइरहेको छ । त्यसैगरी रेन्ज एन्जाइटी हटाउनका लागि उपत्यकाका विभिन्न स्थानमा फास्ट चार्जिङ स्टेसन समेत स्थापना गर्ने योजना भएको बताएको छ ।