इलेक्ट्रिक कारमा प्रयोग हुने ३ उत्कृष्ट मोटर, कुनको विशेषता के ?

इलेक्ट्रिक कारमा प्रयोग हुने ब्याट्रीले इन्धन र मोटरले इन्जिनको काम गर्ने हुँदा यस्ता गाडीमा प्रयोग हुने मोटर निकै महत्वपूर्ण मानिन्छ । यस्ता कारमा फ्यूलको प्रयोग नगरिने हुँदा इन्टरनल कम्वसनको प्रक्रिया हुँदैन र ब्याट्रीबाट प्राप्त उर्जालाई सिधै मोटरको साहयतामा गाडीको एक्सलमा पठाइन्छ । जसले गाडीलाई पावर र टर्क दिन्छ र अगाडी वढ्न मद्धत गर्छ ।

इलेक्ट्रिक कारमा प्रयोग हुने व्याट्री विभिन्न प्रकारमा भएजस्तै मोटरका पनि प्रकारहरु छन् । हाल प्रयोगमा आएका यी तीन मोटर उत्कृष्ट रहेको अध्यायनहरुले देखाएका छन् ।

डाइरेक्क करेन्ट(डीसी) सिरिज मोटर
यो एक प्रकारको रोटरी इलेक्ट्रिक मोटर हो, जसले इलेक्ट्रिकल इनर्जी करेन्टलाई सिधै मेकानिकल इनर्जीमा रुपान्तरण गरिदिन्छ । यसलाई पर्मानेन्ट म्याग्नेट डाइरेक्ट करेन्ट मोटर समेत भन्ने गरिन्छ । यो मोटरमा उच्च स्ट्राटिङ टर्क हुने हुँदा एकदमै छिटो एक्सिलेरेसन लिन सकिन्छ । यस्तो मोटरमा प्रयोग हुने म्याग्नेट निकै महंगो पर्ने र व्रसलाई नियमित फेर्नुपर्न कारण यसको प्रयोग कम हुँदै गएको छ ।

व्रसलेस डाइरेक्ट करेन्ट(विएलडीसी) मोटर
यो मोटरमा व्रसको प्रयोग नहुने हुँदा व्रसलाई नियमित रुपमा फेरिरहनु पर्ने झन्झट हुँदैन । विएलडीसी मोटर कम तौल र सानो आकारको हुने भएपनि यसको रेन्ज स्पिड उच्च हुनुको साथै कार्य क्षमता समेत उच्च हुन्छ । अहिले धेरैजसो इभीमा यहि मोटरको प्रयोग हुने गरेको छ ।

थ्री फेज अल्टरनेटिङ करेन्ट(एसी) इन्डक्सन मोटर
यस प्रकारको मोटर मेन्टिनेन्स फ्रि हुनुको साथै डिसी र विएलडीसी मोटरको तुलनमा सस्तो समेत पर्छ । यो मोटरको स्ट्राटिङ टर्क निकै उच्च हुने कारण छिट्टै एक्सिलेरेसन लिन सकिन्छ । स्पिड कन्ट्रोलका लागी यसमा इन्भर्टर र सर्किटहरु राखिएको हुन्छ । सस्तो र उच्च टर्क दिने विशेषताका कारण यो अहिले निकै लोकप्रिय वनिरहेको छ ।