१ हजार किलोमिटरसम्म रेन्ज दिने नयाँ प्रविधिको सस्तो ब्याट्री सार्वजनिक

चीनको अग्रणी ब्याट्री सप्लायर गोसन हाई टेकले १ हजार किलोमिटर रेन्ज दिने नयाँ प्रविधिको ब्याट्री एस्ट्रोइनोलाई सार्वजनिक गरेको छ । हाल प्रयोगमा आइरहेको लिथियम ब्याट्रीको तुलनमा यो निकै सस्तो र हलुका हुनुको साथै शक्तिसाली समेत हुने जनाइएको छ ।

सो नयाँ प्रविधिको ब्याट्रीलाई हाल प्रयोगमा आइरहेको लिथियमा आइरन फस्फेट(एलएफपी) मा म्याग्नेसिस थप गरेर ल्याइएको हो । जसका कारण यसको इनर्जी डेन्सिटी वढि हुन्छ भने मूल्य समेत कम पर्छ । एलएफपी र निकेल कोवाल्ट व्याट्रीको तुलनमा यसको इनर्जी डेन्सिटी निकै वढि हुने कम्पनीले जनाएको छ ।

एलएफपी ब्याट्रीको इनर्जी डेन्सिटी १९० वाट आवर प्रति किलोग्राम र निकेल कोवाल्टको १५० देखी २२० वाट आवर प्रति किलोग्रामसम्म हुँदा यो नयाँ प्रविधीयुक्त ब्याट्रीको इनर्जी डेन्सिटी भने २४० वाट आवर प्रति किलोग्राम हुने कम्पनीले दावी गरेको छ । यो नयाँ ब्याट्रीले हाल प्रयोगमा आइरहेको लामो रेन्ज दिने इभीमा प्रयोग हुँदै आएको निकेल कोवाल्ट सेललाई विस्थापन गर्ने आँकलन गरिएको छ ।

कम्पनीले यसको उत्पादन अर्को वर्षदेखी शुरु गर्ने तयारी थालेको छ । उत्पादनको अन्तिम चरणमा रहेका कारण यसको सेफ्टि टेष्ट समेत भइसकेको छ । सो नयाँ ब्याट्रीले सीएटिएलले विकास गर्ने भनिएको कन्डेन्स्ड–स्टेल ब्याट्री र टोयोटाको फ्लोराइड आयोन ब्याट्रीसंग कडा टक्कर गर्ने अनुमान गरिएको छ ।