हुन्डाईको नयाँ एसयूभी एक्सटरको रियर लुक सार्वजनिक

हुन्डाईले आधिकारिक रूपमा नयाँ एसयूभी एक्सटर सार्वजनिक गरेको छ । सो एसयूभी चाँडै नै भारतीय बजारमा लन्च गर्ने अनुमान गरिएको छ ।

एसयूभीको रियरमा कम्पनीले एच आकारको टेललाइट दिएको छ । टेलगेटको दायाँ साइडमा कारको भेरिएन्टको जानकारी र बायाँ साइडमा कारको नेम ब्याजिङ राखिएको छ । साथै रियर बम्परमा २ वटा पार्किङ सेन्सर, २ वटा रिफ्लेक्टर र तल सिल्भर कलरको स्किड प्लेट दिइएको छ ।

कम्पनीले नयाँ एसयूभी ३ वटा पावरट्रेनको विकल्पमा ल्याउनेछ । १.२ लिटर कप्पा पेट्रोल इन्जिन ५ स्पिड म्यानुअल ट्रान्समिसन र स्मार्ट अटो एएमटीको साथमा हुनेछ । यसको इन्जिन इथानोल–२० अनुरूप हुनेछ । साथै एसयूभी सीएनजीको विकल्पमा पनि ल्याइनेछ । यसमा १.२ लिटर बाई फ्युल कप्पा पेट्रोल र सीएनजी इन्जिनको साथ ५ स्पिड म्यानुअल ट्रान्समिसन हुनेछ ।

सो एसयूभीमा एलईडी डीआरएल, डायमण्ड कट अलोय ह्विल, १० इन्चको इन्फोटेनमेन्ट टचस्क्रिन, एप्पल कारप्ले, एन्ड्रोइड अटो, एम्बियन्ट लाइट, सनरुफ, रियर एसी भेन्ट्स, एबीएस, ईबीडी, एयरब्याग, एचएसए र टीपीएमएस जस्ता फिचर पनि हुनेछ ।

कम्पनीले दिएको जानकारी अनुसार हुन्डाई एक्सटरमा भ्वाइस इनेबल्ड स्मार्ट इलेक्ट्रिक सनरुफ, ड्यासक्याम सहितको ड्युअल क्यामेरा पनि हुनेछ । जसमा ५.८४ सेमीको स्क्रिन उपलब्ध हुनेछ ।

हुन्डाईको नयाँ एसयूभी एक्स्टर ५ भेरिएन्टमा उपलब्ध हुनेछ । रिपोर्टका अनुसार कम्पनीले एक्सटर भारतीय बजारमा जुलाई १० मा लन्च गर्नेछ । कम्पनीले यसलाई ६ देखि १० लाख भारुसम्ममा लन्च गर्न सक्ने अनुमान गरिएको छ ।