ड्राइभरले मिररमा हेरेकै भरमा लेन चेन्ज हुनेछ बीएमडब्ल्यु ५–सिरिज सेडानमा

लक्जरी कार निर्माता कम्पनी बीएमडब्ल्युले बजारमा उपलब्ध गराउने बीएमडब्ल्यु ५–सिरिज सेडानको बाहिरी ऐनामा हेरेरै लेन परिवर्तन गर्न सकिने छ । सो सम्बन्धी सिस्टम बुधबार सार्वजनिक गर्दै बीएमडब्ल्युले यो विश्वकै पहिलो अत्याधुनिक प्रविधि हुने र आगामी अक्टोबर महिना देखि उपलब्ध हुने बताएको छ ।

‘एक्टिभ लेन चेन्ज असिस्टेन्ट’ भनिने सो सिस्टमले गाडी चलाइरहेको समयमा ड्राइभरलाई लेन परिवर्तन गर्न सुझाव दिन्छ र यदि ड्राइभरले यसको कन्फर्मेसनका लागि एक्सटेरियर मिरर अर्थात बाहिरतिर रहेको ऐनमा हेरेमा स्वचालित रुपमा लेन परिवर्तन हुनेछ ।

बीएमडब्ल्युले नयाँ ५–सिरिजमा अन्य विभिन्न फिचर समेत हुने बताएको छ । यस अनुसार सो गाडीमा नयाँ हाइवे असिस्टेन्ट सिस्टम हुनेछ, जसका कारण प्रतिघण्टा ८५ माइलको गतिमा गाडी दौडिरहेको समयमा लामो दुरी सम्म पनि ड्राइभरको हात स्टेयरिङमा नभए पनि सुरक्षित रुपमा चलाउन सकिने छ । नजिकै अर्को गाडी देखिएमा मात्र यसले डिस्टेन्स मेन्टेन गर्नेछ ।

त्यसैगरी सो गाडीमा अटोमेटेड पार्किङ पनि हुनेछ, जसलाई गाडीबाटै वा स्मार्टफोनबाट पनि नियन्त्रण गर्न सकिने छ ।

बीएमडब्ल्यु ५–सिरिज इलेक्ट्रिक र ग्यासोलिन पावर्ड भर्सनमा उपलब्ध हुनेछ । बीएमडब्ल्यु आई५ ईड्राइभ४० इलेक्ट्रिक भर्सनमा हुनेछ र यसको मूल्य ६८ हजार ८ सय डलर हुनेछ । त्यसैगरी अर्को बीएमडब्ल्यु आई५ एम६० को मूल्य ८५ हजार ७५० डलर हुनेछ ।