हुन्डाईले ईभी इकोसिस्टम विकास गर्न तमिलनाडुमा २० हजार करोड भारु लगानी गर्ने

दक्षिण कोरियाली अटो निर्माता कम्पनी हुन्डाईले भारतको तमिलनाडु राज्यमा आफ्नो दीर्घकालीन लगानी योजना घोषणा गरेको छ। कम्पनीले आगामी १० वर्ष अर्थात सन् २०२३ देखि २०३२ सम्मको अवधिमा चरणबद्ध रूपमा २० हजार करोड भारु लगानी गरेर विद्युतीय सवारी साधनहरू र इभी प्लेटफर्मको आधुनिकीकरणमा थप सहयोग गर्ने योजना बनाएको कम्पनीले जनाएको छ।

सो सम्बन्धी योजनामा हुन्डाई मोटर इन्डियाका एमडी तथा सीईओ उन्सु किम र गाइडेन्सका सिईओ तथा एमडी भी विष्णु आईएएस तमिलनाडुबीच तमिलनाडुका मुख्यमन्त्री एमके स्टालिनको उपस्थितिमा हस्ताक्षर भएको थियो।

यस योजना सम्बन्धी हस्ताक्षर समारोहमा अर्थमन्त्री थङ्गम थेनारसु, उद्योग, लगानी प्रवर्द्धन र वाणिज्य मन्त्री टीआरबी राजा, आईएएस, अतिरिक्त मुख्य सचिव कृष्णन एस, उद्योग, लगानी प्रवर्द्धन र वाणिज्य, तमिलनाडु सरकार र अन्य वरिष्ठ अधिकारीहरूको पनि उपस्थिति थियो।

‘हाम्रो दीर्घकालीन दृष्टिकोणको एक भागको रूपमा हामीले तमिलनाडुलाई भारतमा हुन्डाईको विद्युतीय सवारी उत्पादनको आधारको रूपमा विकास र स्थापना गर्ने योजनालाई अन्तिम रूप दिएका छौं,’ उन्सु किमले भने, ‘यसले हामीलाई हाम्रो पोर्टफोलियोलाई सुदृढ गर्न र हाम्रा गाडीहरूमा उत्कृष्ट सुविधा र प्रविधिहरू प्रदान गर्न मद्दत गर्नेछ जसले हाम्रो ग्राहकको आकांक्षालाई पूरा गर्नेछ।’

कोरियाली अटो निर्माताले तमिलनाडु सरकारको विद्युतीय गतिशीलतातर्फ राज्यको दिगो प्रणाली निर्माण गर्ने दृष्टिकोणको रणनीतिक साझेदार बन्ने लक्ष्य राखेको जनाएको छ। हुन्डाईले १ लाख ७८ हजार ब्याट्रीहरू जम्मा गर्न वार्षिक क्षमताको ब्याट्री प्याक एसेम्बली इकाई स्थापना गर्नेछ जनाएको छ। यस्तै ५ वर्षको अवधिमा प्रमुख राजमार्गहरूमा प्रमुख स्थानहरूमा १०० इभी चार्जिङ स्टेशनहरू स्थापना गर्नेछ। यसमा ५ डुअल अल्ट्रा–फास्ट चार्जिङ स्टेसनहरू (डीसी १५० किलोवाट र डीसी ६० किलोवाट), १० सिंगल फास्ट चार्जिङ स्टेशनहरू (डीसी १५० किलोवाट) र ८५ सिंगल फास्ट चार्जिङ स्टेशनहरू (डीसी ६० किलोवाट) समावेश छन्।

हुन्डाई मोटर इन्डियाले कुल उत्पादन मात्रालाई वार्षिक ८ लाख ५० हजार युनिटमा पु-याउनेछ र श्रीपेरुम्बुदुरमा रहेको आफ्नो कारखानाबाट नयाँ विद्युतीय र आईसीई सवारी साधनहरू उत्पादन गर्नेछ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...