सबैभन्दा बढी रेन्ज भएको इलेक्ट्रिक स्कुटर सिम्पल वान लन्च, यस्तो छ विशेषता

इन्डियन स्टार्टअप सिम्पल इनर्जीले आफ्नो पहिलो विद्युतीय स्कुटर सिम्पल वान स्कुटर १ लाख ४५ हजार भारु मूल्यमा लन्च गरेको छ । सो स्कुटर ६ रङमा उपलब्ध छ ।

कम्पनीले सो स्कुटरमा ५ किलोवाटको लिथियम आयन ड्युअल ब्याट्री प्याक दिएको छ । यो स्कुटरलाई सामान्य चार्जरबाट ५.५४ घण्टामा ८० प्रतिशतसम्म चार्ज गर्न सकिन्छ । एक पटक फुल चार्ज गरेपछि यसले २१२ किलोमिटरको रेन्ज दिन्छ । सिम्पल वान इलेक्ट्रिक स्कुटरले २.७७ सेकेन्डमा ४० किलोमिटर प्रतिघण्टाको गति लिने कम्पनीको दाबी छ ।

सिम्पल वानमा कम्पनीले ब्लुटुथ, एलईडी लाइटिङ, एन्ड्रोइड ओएस, क्लाउड कनेक्टिभिटी र रिजेनेरेटिभ ब्रेकिङ जस्ता फिचर समावेश गरेको छ । यसका साथै स्कुटरमा इको, ड्यास, राइड र सोनिक जस्ता राइडिङ मोड पनि दिइएको छ । सो स्कुटरमा ३० लिटरको स्टोरेज स्पेस पनि दिइएको छ ।

सिम्पन वान इलेक्ट्रिक स्कुटर लन्च पछि हाल बजारमा उपलब्ध ओला एस१, चेतक, भिडा, टीभीएस आईक्युब र एथरलाई कठिन भएको छ । सिम्पल वानको सबैभन्दा ठूलो यूएसपी यसको रेन्ज हुनेछ । सो स्कुटर खरिद गर्नका लागि सिम्पल इनर्जीको वेबसाइटमा सजिलैसँग अनलाइन बुक गर्न सकिन्छ ।