क्रेटाको प्रतिस्पर्धी बन्ने छ होन्डा एलिभेट एसयूभी, जुन ६ मा सार्वजनिक हुने

होन्डाको आगामी एसयूभी होन्डा एलिभेट मिडसाइज कार ६ जुनमा सार्वजनिक हुँदैछ र यो वर्षको तेस्रो त्रैमासिकमा लन्च गरिने छ ।

होन्डा एलिभेटको लम्बाई ४.२ देखि ४.३ मिटर हुनेछ र यो पाँचौ जेनरेसनको अपडेट भर्सनमा आधारित हुनेछ । सुरुमा यो १.५ लिटर ४–सिलिन्डर एनए भीटीईसी पेट्रोल इन्जिनमा बिक्री गरिनेछ, जसले १२१ पीएसको पावर र १४५ एनएमको टर्क जेनेरेट गर्नेछ ।

सो एसयूभी सीभीटी अटोमेटिक युनिटको रूपमा ६ स्पिड म्यानुअल ट्रान्समिसनसँग जोडिनेछ । नयाँ होन्डा एलिभेटले हुन्डाई क्रेटा, सुजुकी ग्रान्ड भिटारा, फक्सवागन टाइगुन र स्कोडा कुशाकसँग सीधा प्रतिस्पर्धा गर्नेछ ।

सो एसयूभीको एक्सटेरियर डब्ल्युआर–भीसँग एकदम मिल्दोजुल्दो हुनेछ । यसको लुकको बारेमा कम्पनीले हालसम्म खुलासा गरेको छैन ।

सो कारको मूल्य प्रारम्भिक ११ लाख भारु देखि सुरु हुनेछ । होन्डा एलिभेट १.५ लिटरको बलियो हाइब्रिड पेट्रोल इन्जिनको साथ बिक्री गरिनेछ ।