होन्डाले ल्यायो ४१२ किमी रेन्ज भएको नयाँ कम्प्याक्ट इलेक्ट्रिक एसयूभी

होन्डाले विश्व बजारमा नयाँ कम्प्याक्ट इलेक्ट्रिक एसयूभी ई–एनवाई १ ल्याएको छ । सो नयाँ एसयूभी नयाँ ई–एन प्लेटफर्ममा बनाइएको छ । कम्पनीले यसमा धेरै विशेष फिचर्स दिएको छ ।

यसको लुक कम्पनीको एसयूभी एचआरभीसँग मिल्दोजुल्दो छ । यसमा नयाँ डिजाइन गरिएको बम्पर र फ्रन्टको ग्रिल बन्द राखिएको छ र रियरमा ठूलो टेल ल्याम्प, कालो क्ल्याडिङ र फराकिलो टेलगेट दिइएको छ । सो एसयूभीको साइडमा कालो क्ल्याडिङ लगाइएको छ र छत पनि कालो राखिएको छ ।

होन्डाको नयाँ एसयूभीमा ६८.८ किलोवाटको ब्याट्री दिइएको छ । जसलाई फास्ट चार्जरबाट चार्ज गर्ने सुविधा पनि दिइएको छ । रिपोर्टका अनुसार यसलाई फास्ट चार्जरबाट ४५ मिनेटमा ८० प्रतिशतसम्म चार्ज गर्न सकिन्छ । यो एकपटक फुल चार्ज गरेपछि करिब ४१२ किलोमिटरसम्म चल्न सक्छ । सो एसयूभीको मोटरले २०१ एचपी पावर र ३१० एनएमको टर्क जेनेरेट गर्छ ।

सो एसयूभीमा कालो ड्यासबोर्ड, एम्बियन्ट लाइटिङ, अटोमेटिक क्लाइमेट कन्ट्रोल, वायरलेस चार्जर, स्टेयरिङ कन्ट्रोल, फ्लोटिङ डिजिटल इन्स्ट्रयुमेन्ट क्लस्टर, १५.१ इन्च इन्फोटेनमेन्ट सिस्टम, एन्ड्रोइड अटो, एप्पल कारप्ले, एबीएस, ईबीडी, एयरब्याग र एबीएस जस्ता फिचर दिइएको छ ।

सो एसयूभी पहिला जापानी र युरोपेली बजारमा उपलब्ध हुने अपेक्षा गरिएको छ । त्यसपछि यसलाई विश्वका अन्य देशमा लन्च गरिने छ ।