इभी उत्पादनमा हुन्डाईले १८.१४ अर्व डलर लगानी गर्ने, २०३० सम्म तेस्रो ठूलो इभी उत्पादक वन्ने

कोरीयाली अटो उत्पादक हुन्डाईले आगामी सात वर्षमा विद्युतीय गाडी उत्पादनका लागि १८.१४ अर्व डलर लगानी गर्ने भएको छ ।

हुण्डाई मोटर्स ग्रुपले आफ्नो योजना सार्वजनिक गर्दै सन् २०३० सम्म विद्युतीय गाडीको उत्पादन, प्रविधि विकास र पाटपुर्जा निर्माण लगायतका अन्य विद्युतीय परियोजनामा १८.२ अर्ब अमेरिकी डलर अर्थात् २३ खर्ब ८५ अर्ब लगानी गर्ने घोषणा गरेको हो ।

यो लगानीसँगै विश्व विद्युतीय अटो बजारमा सन् २०३० सम्म विक्रीका आधारमा तेस्रो ठुलो अटो निर्माता कम्पनी बन्ने योजना समेत कम्पनीको रहेको छ । हुन्डाइ र किया एउटै लगानीकर्ता समूहका ब्रान्ड हुन् । हुण्डाई र कियाबाहेक लक्जरी ब्रान्ड जेनेसिस रहेको अटो समूहले कोरियामा वार्षिक इभी उत्पादनलाई १५ लाख युनिट र विश्वव्यापी मागलाई सन् २०३० सम्ममा ३६ लाख युनिटमा पु¥याउने योजना पनि घोषणा गरेको छ ।

वायु प्रदुषणलाई कम गर्ने योजना अन्तर्गत कम्पनीले पछिल्लो केही समयमा विद्युतीय गाडीमा ठूलो लगानी गर्दै आएको छ । अर्को तर्फ विद्युतीय कारको बजार पनि बढ्दो क्रममा रहेकाले कम्पनीले ठूलो लगानीको निर्णय लिएको हो ।