१५० किलोमिटर रेन्ज दिने याडीयाको नयाँ स्कुटर आउँदै, मूल्य २ लाख ३० हजार

काठमाडौं– याडीया इलेक्ट्रीक स्कुटरको नेपालका लागि आधिकारिक विक्रेता कुजु नेपालले याडीया ई८ एसको बुकिङ खुल्ला गरेको छ । कम्पनीले ई८ एसको मूल्य २ लाख ३० हजार निर्धारण गरेर बुकिङ खुल्ला गरेको हो । यो मूल्य ५० जना ग्राहकका लागी मात्र लागु हुने र १० हजार रुपैयाँ भुक्तनी गरेर स्कुटर वुकिङ गर्न सक्ने कम्पनीले जनाएको छ ।

याडिया ई८ एसमा ३८ एम्पीयर ७२ भोल्टको व्याट्री र २८०० वाट पावरको मोटर जडान गरिएको छ । यो मोटरले अधिकतम १४० एनएम टर्क जेनेरेट गर्छ भने, यसको टप स्पीड ६० किलोमिटर प्रति घन्टा रहेको छ । यो नयाँ स्कुटरले एक पटकको फुलचार्जमा १५० किलोमिटर रेन्ज दिने दावी गरिएको छ ।

स्कुटरमा डबल डिस्क ब्रेक, कलर एलइडी डिस्प्ले, रिजेनेरेशन सिस्टम, फास्ट चार्जिङ सपोर्ट लगायत फिचर उपलब्ध रहेको छ ।