भारतमा बिक्री भयो १ लाख बढी टीभीएस आईक्युब इलेक्ट्रिक स्कुटर, नेपालमा परीक्षण चल्दै

भारतमा बिक्री भइरहेको टीभीएसको इलेक्ट्रिक स्कुटर आईक्युबले लगातार दोस्रो महिना पनि १५ हजार युनिट भन्दा बढी बिक्री रेकर्ड कायम गरेको छ । गत फेब्रुअरी महिनामा १५ हजार ५२२ युनिट बिक्री भएको सो स्कुटर मार्चमा १५ हजार ३६४ युनिट बिक्री भएको छ ।

यसले सो स्कुटरको बिक्री १ लाख भन्दा बढी युनिट पु¥याउन सहयोग गरेको छ । समग्रमा सो स्कुटर १ लाख ८ हजार ५५० युनिट बिक्री भएको छ ।

सन् २०२० को जनवरीमा लन्च भएको टीभीएस आईक्युबको बिक्री पहिले धेरै भएको थिएन । तर पछिल्लो आर्थिक वर्षमा मात्र ८९ प्रतिशत बिक्री बढी भएर सो रेकर्ड कायम भएको हो ।

टीभीएस आईक्युब स्ट्यान्डर्ड, एस र एसटी गरी तीन भेरिएन्टमा उपलब्ध छ । यसको सबैभन्दा टप स्पेक भेरिएन्ट एसटीले १४० किलोमिटरको रेन्ज दिन्छ ।

आईक्युबमा सबै एलईडी लाइट देखि १२ इन्चको ह्विलका साथै धेरै कनेक्टिभिटी फिचर रहेका छन् ।

नेपाली बजारमा पनि यो इलेक्ट्रिक स्कुटर केही महिनामै भित्रिने अपेक्षा गरिएको छ । नेपालका लागि टीभीएसको आधिकारिक वितरक जगदम्बा मोटर्सले सो स्कुटर हाल केही महिना देखि नै परीक्षण गरिरहेको बताएको छ ।