तीन महिनामा बीवाईडीले बिक्री गर्यो २ लाख ६४ हजार ईभी, ८७ प्रतिशतले वढ्यो बिक्री

चीनीयाँ इभी जायन्ट बीवाईडीले यो वर्षको पहिलो तीन महिनामा कुल २ लाख ६४ हजार ६४७ युनिट ब्याट्री ईभी बिक्री गरेको छ । यो गत वर्षको सोही अवधीमा बिक्री भएको कुल ईभीको तुलनामा ८७ प्रतिशतले वढी रहेको कम्पनीले जनाएको छ ।

सो अवधीमा बीवाईडीले कुल ५ लाख ५२ हजार प्यासेन्जर कार बिक्री गरेको छ । जसमध्ये प्लग इन हाइव्रिडको संख्या २ लाख ८३ हजार ७३० युनिट रहेको छ । उसले बिक्री गरेको कुल प्यासेन्जर कारमा ब्याट्री ईभीको ४८ प्रतिशत र हाइव्रिडको ५२ प्रतिशत हिस्सा रहेको छ ।

यसैगरी सोही अवधीमा कम्पनीले ३८ हजार ७२३ युनिट ईभीलाई चीन वाहिर निर्यात गरेको छ । जुन अघिल्लो वर्षको सोही अवधीमा निर्यात भएको कुल ईभीको तुलनामा १४ गुना वढी हो । सन् २०२३ मा वीवाइडीले ३० देखी ३६ लाखसम्म ईभी बिक्री गर्ने महत्वकांक्षी लक्ष्य लिएको छ ।

बीवाईडीका इलेक्ट्रिक कार नेपाली बजारमा समेत लोकप्रिय वनिरहेको छ । नेपालका लागी आधिकारिक विक्रेता साइमेक्स इंक प्रालिले अहिले यसको ई६ र एट्टो३ मोडल बिक्री गर्दै आएको छ भने निकट भविष्यमा डल्फिन ईभीलाई समेत आयत गर्ने योजना वनाएको छ ।