शाहरुख खानले खरिद गरे करोडौ पर्ने नयाँ रोल्स रोयस, पहिलो पटक देखियो सडकमा

बलिउड स्टार शाहरुख खान लक्जरी कारका शौखिन कलाकार हुन् । उनले हालै लक्जरी एसयूभी रोल्स रोयस कुलिनान ब्ल्याक ब्याज खरिद गरेका छन् । सो कार पहिलो पटक सडकमा देखिएको छ ।

सो एसयूभी आर्कटिक ह्वाइट रङमा देखिएको हो । रोल्स रोयस कुलिनान विश्वमा शानदार लग्जरी कम्फर्टका लागि निकै चर्चित छ । सो कार अब शाहरुखले आफ्नो कार कलेक्सनमा जोडेका छन् ।

रोल्स रोयसले आफ्नो कारको सिट, डोर प्यानल, ड्यासबोर्ड सहित कैयौ प्रिमियम मेटरियलबाट तयार गर्छ । रोल्स रोयस कुलिनानमा ६ं७५ लिटर भी१२ पेट्रोल इन्जिन जडान गरिएको छ । जसले ५७१ एचपीको पावर र ८५० एनएमको टर्क जेनेरेट गर्छ ।

सो कारमा ८ स्पिड अटोमेटिक गियरबक्स दिइएको छ । सो एसयूभी रोल्स रोयसको आल्मुनियम प्लेटफर्ममा तयार पारिएको हो । यसको मूल्य हाल ८ करोड २० लाख भारु रहेको छ ।

शाहरुख खानसँग रोल्स रोयस फेन्टम ड्रपहेड कुपेको साथै बीएमडब्ल्यु, औडी, टोयोटा, रेन्ज रोभर जस्ता कार कलेक्सन रहेको छ । शाहरुख खान हुन्डाईको ब्रान्ड एम्बेसडर पनि हुन् ।