रियलमीद्वारा ‘अचिभर रिटेल डिस्ट्रिब्युटर’ हरुलाई टीभीएस एनटर्क स्कुटर वितरण

काठमाडौँ – स्मार्टफोन ब्रान्ड रियलमीले आफ्ना ट्रेड पार्टनरहरुलाई स्कुटर वितरण गरेको छ । यस वर्षको दसैँको अवसर पारेर ल्याइएको रिटेल स्किम अन्तर्गत रियलमीको २५० भन्दा बढी स्मार्टफोन सेटहरु बिक्री गर्न सफल २१ विक्रेताहरुलाई टीभीएस एनटर्क स्कुटर उपहारको रुपमा प्रदान गरिएको हो ।

२१ मध्य ७ वटा स्कुटरहरु गत आइतबार नेपालका लागि टीभीएसको आधिकारिक वितरक जगदम्बा मोटर्सको नक्सालस्थित कर्पोरेट कार्यालयमा वितरण गरिएको थियो भने बाँकी सम्बन्धित स्थानमा नै वितरण गरिने कम्पनीले जनाएको छ ।

सो अवसरमा रियलमीका कन्ट्री हेड मुनिश गिरीले स्कुटर जित्न सफल सबै विक्रेताहरुलाई बधाई दिनुका साथै स्मार्टफोनहरु आम उपभोक्ताहरु माझ सहज रुपमा पु-याउन सहयोग गर्ने सम्पूर्ण विक्रेताहरुलाई हार्दिक धन्यवाद ज्ञापन गरे । उनले आगामी दिनमा समेत सबैको सहयोग प्राप्त हुने विश्वास व्यक्त गरे ।

उक्त स्किम अन्तर्गत काठमाडौंको डिजी मल्टी ब्राण्ड शोरुम, युनिक मोबाइल हब, खुलाल ट्रेड लिंक, पिआर ट्रेडर्स, समिप मोबाइल र कालिन्चोक मोबाइलले स्कुटर प्राप्त गरे । दमकबाट अम्बे मोबाइल एन्ड इलेक्ट्रोनिक्स, बाग्लुङबाट गौरव इलेक्ट्रोनिक्स, हेटौँडाबाट न्यु युनिक वाच एन्ड मोबाइल सेन्टरले स्कुटर जित्न सफल भएका थिए ।

त्यस्तै गरी जनकपुरबाट एम टेक, ओम मोबाइल सेल्स एण्ड सर्भिस, सुनिल मोबाइल, सामसुङ मोबाइल् एन्ड इलेक्ट्रोनिक, वीरगन्जको सुजित मोबाइल सेन्टर र श्री गणेश मोबाइल सेन्टर, नेपालगन्जबाट किरण मोबाइल सेन्टर, धनगढीबाट न्यु सिम्रन ट्रेडर्स, न्यु रामेश्वरम सप्लायर्स र दाङको न्यु सभियोग मोबाइल शप र बुटवलबाट निश्चल मोबाइल सेन्टरले स्कुटर जित्न सफल भएका थिए ।