हिरो मोटोकर्प र जिरो मोटरसाइकल बीच सम्झौता, प्रिमियम इलेक्ट्रिक बाइक ल्याउने

हिरो मोटोकर्पले चाँडै प्रिमियम सेगमेन्टको इलेक्ट्रिक बाइक ल्याउने भएको छ । यसका लागि कम्पनीले अमेरिकाको जिरो मोटरसाइकलसँग सम्झौता गरेको छ ।

जिरो मोटरसाइकल अमेरिकामा इलेक्ट्रिक बाइक र पावरट्रेनमा अग्रणी ब्रान्ड मानिन्छ ।

एथर इनर्जीपछि हिरो मोटरकर्पको यो दोस्रो ठूलो लगानी हो । इलेक्ट्रिक सवारी साधनमा आफ्नो विश्वसनियता स्थापित गर्न हिरो मोटोकर्पले आफ्नो सेगमेन्टमा एउटा पनि उत्पादन नभएका कम्पनीमा लगानीको खोजी गरिरहेको छ ।

हिरो मोटोकर्पका अध्यक्ष र सीईओ पवन मुन्जालले जिरो मोटरसाइकलसँगको यो साझेदारी सवारी क्षेत्रमा निरन्तर सुधार हुँदै आएको प्रविधिको युगमा प्रवेश गर्ने यात्रामा एउटा महत्वपूर्ण कोसेढुङ्गा भएको जानकारी दिएका छन् ।

हिरो मोटोकर्पले भिडा भी१ स्कुटरको साथ इलेक्ट्रिक स्कुटरको क्षेत्रमा प्रवेश गरेको छ । हिरो मोटोकर्पले सार्वजनिक चार्जिङ इफ्रास्ट्रक्चर पनि सुरु गरेको छ । कम्पनीले भारतका ३ सहरमा करिब ३ सय चार्जिङ प्वाइन्ट पनि जडान गरेको छ ।