लोमान्थाङ पुग्ने पहिलो इलेक्ट्रिक पिकअप वन्यो जेएसी टी८

नेपाली बजारमा विक्री हुँदै आएको इलेक्ट्रिक पिकअप जेएसी टी८ ले लोमान्थाङ सम्मको यात्रा तय गरेको छ । अफरोडयुक्त सडक पार गर्दै ३ हजार ८४० मिटरको उचाईमा रहेको लोमान्थाङ पुग्ने पहिलो इलेक्ट्रिक पिकअपका रुपमा यसले पहिचान कायम गरेको आधिकारिक वितरक दिगो ग्रुपले दावी गरेको छ ।

कठिन भौगोलिक वनावटका कारण कतिपय कम्वस्चन इन्जिनयुक्त गाडीलाई समेत लोमान्थाङ सम्मको यात्रा तय गर्न हम्मेहम्मे पर्दै आइरहेकोमा इलेक्ट्रिक पिकअप जेएसी टी८ ले सहजै सो स्थानसम्मको यात्रा पुरा गरेको हो । लोमान्थाङ पुगेसंगै यो इलेक्ट्रिक पिकअपलाई नेपालको जुनसुकै स्थानमा सहजै चलाउन सकिने प्रमाणित गरेको कम्पनी स्रोतको भनाई छ ।

यस्तो छ यो इलेक्ट्रिक पिकअप
जेएसी टी८ मा ६७.२ किलोवाट आवरको लिथियम आइरन फस्फेट ब्याट्री र ११० किलोवाटको मोटर जडान गरिएको छ । यसमा भएको ब्याट्रीलाई डीसी फास्ट चार्जिङमार्फत २ घण्टामा र एसी चार्जिङमार्फत साढे १६ घण्टामा फुल चार्ज गर्न सकिन्छ । यसको रेन्ज ३ सय किलोमिटर रहेको दावी गरिएको छ । रिजेनेरेटिभ ब्रेकिङ सिस्टम र ब्रेक ओभरराइड सिस्टम जस्ता फिचर उपलब्ध यो पिकअपमा १९७ एमएमको ग्राउन्ड क्लियरेन्स छ भने ७ मिटरको टर्निङ रेडियस छ ।

९० किलोमिटर प्रतिघण्टा सम्मको उच्च गति भएको यो पिकअपमा इलेक्ट्रो हाइड्रोलिक पावर स्टेयरिङ छ । यसमा हेडरेस्ट सहितका सिट छन् । डिजिटल इन्स्ट्रयुमेन्ट क्लस्टर, रिभर्स क्यामेरा सहितको इन्फोटेनमेन्ट सिस्टम, सेन्ट्रल डोर लकिङ, डायमन्ड कट ड्युअल टोन अलोय ह्विल, ओआरभीएम सहित साइड इन्डिकेटर, एबीएस, एलईडी डीआरएल, एलईडी टेलल्याम्प, हेडल्याम्प लेभलिङ आदि फिचर उपलब्ध छन् ।