भारतमा भेटियो विद्युतीय सवारीको ब्याट्रीमा प्रयोग हुने लिथियम

विद्युतीय सवारीमा प्रयोग गरिने ब्याट्रीका लागि आवश्यक लिथियमको विशाल भण्डार भारतको जम्मु काश्मीरमा पत्ता लागेको छ।

भारतीय सञ्चार माध्यमहरूका अनुसार कुल ५९ लाख टन क्षमताको लिथियमको भण्डारण त्यहाँ भेटिएको हो । भेटिएको जनाएका छन्। यस अनुसार अब भारत लिथियमको स्रोत भएका चिली र अस्ट्रेलियापछि संसारकै तेस्रो लिथियम भण्डारण भएको देश बनेको छ। यसअघि भारत लिथियमका लागि अन्य देशमा निर्भर रहँदै आएको थियो। यो भण्डार पत्ता लागेसँगै भारतको अर्थतन्त्र सुधारसँगै विद्युतीय सवारीको उत्पादनमा वृद्धि हुने अपेक्षा गरिएको छ।

लिथियम एक नानो फेरस मेटल हो। जसको प्रयोग मोबाइल, ल्यापटप, विद्युतीय सवारीसहित धेरै इलेक्ट्रोनिक्स सामानहरूमा हुन्छ। विशेष गरी चार्जेबल ब्याट्री बनाउनका लागि अत्यधिक मात्रामा यसको प्रयोग गरिँदै आएको छ।

अष्ट्रेलिया, चिली र अर्जेन्टिनामा ठूलो मात्रामा पाइने कडा चट्टानहरू र भूमिगत ब्राइन भण्डारहरूबाट लिथियम निकालिन्छ।

काश्मीरमा लिथियमको भण्डार भेटिए पछि आयात प्रतिस्थापनका साथै निर्यात पनि हुने भएकाले भारतीय अर्थतन्त्रमा यसको महत्त्वपूर्ण योगदान रहने भारतीय अर्थशास्त्रीहरूले जनाएका छन्।

यस्तै अटो व्यवसायीहरुले यो अटो क्षेत्रको लागि एक उत्साहजनक अवस्था रहेको बताएका छन्। यसले विद्युतीय सवारीसाधानको उत्पादनमा धेरै सहयोग पुग्नेछ। आफ्नै देशमा लिथियम उत्पादन हुँदा अब विद्युतीय गाडीको मूल्य घट्ने अटो व्यवसायीहरुको भनाइ छ।

यसले ब्याट्रीको लागत घटाउने हुँदा विद्युतीय गाडीको मूल्य सोत कम हुन जाने अटो व्यवसायीको भनाइ रहेको छ। नेपालमा पनि भारतमा उत्पादन भएका धेरै विद्युतीय गाडीहरु नेपाल आयात हुने गरेका छन्। यसको फाइदा नेपालले पनि लिन सक्ने देखिन्छ।