दुबईका शेखका लागि कसले बनाउछ सुनको गाडी ?

दुबईमा सुनले बनेको कारको बारेमा पक्कै सुन्नुभएकै होला ? यी सुनौलो कारहरू दुबईका शेखहरूको स्वामित्वमा हुन्छ । तिनीहरू आफ्नो सम्पत्ति देखाउन कुनै कसर बाँकी राख्दैनन् । कतिपय शेखले विदेश जाँदा पनि यस्ता गाडी लिएर जान्छन् ।

यद्यपि यो सुनका कार कुनै कार निर्माताले बनाएको हुँदैन, न त विशेष अर्डरमा डिजाइन गरिएको हुन्छ । यस्ता कार अन्य कार जस्तै हुन्छन्, तर पछि शेखहरु आफैले आफ्नै शैलीमा डिजाइन गरी सुनको कारमा परिणत गर्छन् ।

दुबईमा सुनको कार निर्माण गर्नका लागि शेखहरुले आफ्नै कर्मचारीलाई खटाएका हुन्छन् । ती कर्मचारीहरुको नाम कसैलाई थाहा हुँदैन । यस्ता कारहरु धेरै दिनको मिहिनेत पछि बनाइएको हुन्छ ।

वास्तवमा ती कारमा प्रयोग गरिने सुन असली सुन भने हुँदैन । धेरैजसो सुनमा केमिकल मिसाएर घोल तयार पारिन्छ र उच्च तापक्रममा स्प्रे गरेर कारलाई बेक गरिन्छ र पछि कारमा धेरै सावधानीपूर्वक पोलिश गरिन्छ । त्यसपछि तिनीहरूलाई चम्किलो बनाउन पुनः पोलिश गरिन्छ ।

रिपोर्टका अनुसार यस्तो कार तयार गर्न सामान्यतया ५०० ग्रामसम्म सुन लाग्छ । कतिपयले २ किलोसम्म सुन प्रयोग गरेर यस्ता कार डिजाइन गरेका हुन्छन् ।

सामान्यतया यस्ता कारहरु पछि सेकेन्ड ह्यान्डमा पनि बिक्री गरिन्छ । पुराना भइसकेका यस्ता कारलाई पुनः प्रयोग गर्न सकिन्छ तर एकपटक प्रयोग गरेपछि यसको चमक पहिले जस्तो भने रहँदैन ।