हिरो स्प्लेन्डर अब नयाँ ईभी अवतारमा आउने

हिरोले स्प्लेन्डर बाइक इलेक्ट्रिक भर्सनमा लन्च गर्ने भएको छ । कम्पनीले यसको कुनै मिति घोषणा नगरे पनि इलेक्ट्रिक हिरो स्प्लेन्डर यसै वर्ष लन्च गर्ने अनुमान गरिएको छ । यद्यपि कम्पनीले यसको स्पेसिफिकेशनको बारेमा कुनै जानकारी दिएको छैन ।

रिपोर्टका अनुसार नयाँ इलेक्ट्रिक स्प्लेन्डरको डिजाइनमा कुनै परिवर्तन हुनेछैन । यद्यपि यसको टयांकीमा ब्याट्री प्याक जडान गर्ने भएको कारणले यसको डिजाइनमा भने केही परिवर्तन गर्ने सम्भावना छ ।

यसको सिट, टेल लाइट र फ्रन्ट लाइट यथावत रहनेछ । यसको डिस्प्ले परिवर्तन गरी एलसीडीमा परिवर्तन हुनेछ । साथै यसमा मोबाइल चार्जिङ, जीपीएस, स्पिड सेन्सर जस्ता फिचर थपिनेछ ।

रिपोर्टका अनुसार कम्पनीले यसको रेन्ज २५० देखि ३०० किलोमिटर बनाउन विशेष काम गरिरहेको छ । हालसम्म यस्तो रेन्ज भएको इलेक्ट्रिक स्कुटर वा बाइक बजारमा उपलब्ध छैन । यदि यो सम्भव भएमा हिरो स्प्लेन्डरले इलेक्ट्रिक टु ह्विलमा बजार ओगट्ने सम्भावना छ ।

सो बाइकको मूल्य ९० हजारदेखि १ लाख १ हजार भारु हुने अनुमान गरिएको छ । सो बाइक फास्ट र नर्मल चार्जिङ दुवै विकल्पमा उपलब्ध हुनेछ ।