हिरोले सार्वजनिक गर्यो मास्टेरो जुम स्कुटरको टिजर, तीन भेरिएन्टमा उपलब्ध हुने

हिरो मोटोकर्पले नयाँ स्कुटर मास्टेरो जुमको टिजर सार्वजनिक गरेको छ । ३० जनवरीमा लन्च हुन लागेको यो स्कुटर एलएक्स, भीएक्स र जेडएक्स गरी कुल तीन भेरियन्टमा आउन लागेको हो । यो नयाँ स्कुटरमा हिरोले एक्स सेप ग्राफिकको हेडल्याम्प दिएको छ ।

ह्यान्डल वारमा टर्न इन्डिकेटर दिइएको यो स्कुटरको लुक्स एग्रेसिभ देखिएको छ । स्कुटरको लम्वाई १८८१ एमएम, चौडाई ७३१ एमएम र उचाई ११७७ एमएम तथा ह्विलवेश १३०० एमएम रहेको छ । यसको अगाडी र पछाडी दुवै भागमा १२ इन्चको ह्विल दिइएको छ भने व्लुटुथ कनेक्टिभिटी, आई ३एस प्रविधी र कर्नरिङ हेडल्याम्प पाउन सकिन्छ ।

यो नयाँ स्कुटरमा ११०.९ सीसीको सिंगल सिलिन्डर इन्जिन जडान हुनसक्ने अनुमान गरिएको छ । जसको अधिकतम पावर ८.०४ विएचपी र टर्क ८.७० एनएम रहनेछ । स्कुटरको अगाडी टेलस्कोपिक फर्क सस्पेन्सन र पछाडी कन्भेन्सलन शक एव्जर्वर जडान गरिएको छ । यो ड्रम र डिस्क व्रेक अप्सनमा उपलब्ध हुनेछ ।