यस्तो छ नेपाली बजारमा बिक्री शुरु हुन लागेको ह्वाजीको मिनी इलेक्ट्रिक कार

नेपाली इभी बजारमा अर्को नयाँ व्राण्डको मिनी कार भित्रिएको छ । चीनको जीयाङ्सु ह्वाजी अटोले उत्पादन गरेको ‘आमाई’ मिनी कारलाई सिजी मोटर्सले नेपाल ल्याएको हो । सिजी मोटर्सले हाल नेटा भी इलेक्ट्रिक कारलाई आयत गरी विक्रीवितरण गर्दै आइरहेको छ ।

फोर ह्विल ड्राइभको यो सानो इलेक्ट्रिक कारको विक्री अवको केही समयपछि शुरु हुने कम्पनी स्रोतको भनाई छ । यो सिटी कारको अगाडी र पछाडी दुवै भागमा मोटर जडान गरिएको छ । जसको संयुक्त पावर २४ २५ किलोवाट रहेको दावी छ ।

कारमा १८.४३ किलोवाट आवरको व्याट्री प्याक जडान गरिएको छ । जसलाई एकपटक फूल चार्ज गर्दा २०० किलोमिटर वढी रेन्ज प्राप्त गर्न सकिने दावी गरिएको छ । यो कारलाई १०० किलोमिटर प्रति घन्टाको उच्च गतिमा गुडाउन सकिन्छ । यसको ग्राउन्ड क्लिरियन्स १८० एमएम रहेको छ ।

आकर्षक रेट्रो डिजाइनमा तयार पारिएको यो कारमा गोलाकार क्रिस्टल प्रोजेक्सन हेडलाइट जडान गरिएको छ । कारमा म्यूजिक सिस्टम, एयर कन्डिसन, व्लुटुथ कनेक्टिभिटी, ९ इन्चको डिजिटल सेन्ट्रल कन्सोल र एयर व्याग लगायत अन्य थुप्रै फिचर दिइएको छ ।

सिजी मोटर्सले यसको वेस भेरियन्टलाई २० लाख रुपैयाँमै उपलब्ध गराउने बताउँदै आएको थियो । तर तत्कालका लागि फुल अप्सनबाट विक्री शुरु गर्न लागिएको कारण यसको मूल्य नेपाली बजारमा २४ लाख हाराहारी पर्ने वताइएको छ ।