मारुती सुजुकीले देखायो इलेक्ट्रिक एसयूभी इभीएक्सको कन्सेप्ट

मारुती सुजुकीले आज आफ्नो पहिलो इलेक्ट्रिक एसयूभी इभिएक्सको कन्सेप्ट सार्वजनिक गरेको छ । आजबाट शुरु भएको अटो एक्सपो २०२३ को अवसार पारेर सुजुकीले यो नयाँ एसयूभीको ग्लोवल प्रियिमर गरेको हो । टोयोटासंगको सहकार्यमा निर्माण हुने यो एसयूभीलाई उसले सन् २०२५ देखी वजारमा ल्याउने जनाएको छ ।

यो कन्सेप्ट इभीलाई सुजुकीले ४८ किलोवाट आवर र ५९ किलोवाट आवर व्याट्री प्याकमा उपलब्ध गराउने अनुमान गरिएको छ । जसको रेन्ज ४०० किलोमिटर र ५०० किलोमिटर रहने दावी छ । सुजुकीले यसमा विवाइडीको व्लेड व्याट्री प्रयोग गर्नेछ ।

टु ह्विल र फोर ह्विल दुवै ड्राइभ अप्सनमा आउने अनुमान गरिएको यसको पावर १७० एचपी रहने आँकलन गरिएको छ । यसको मूल्य टोयोटा, टाटा, हुन्डाई र महिन्द्राका यहि सेग्मेन्टका इभी सरह रहने कम्पनीको भनाई छ । यो एसयूभीको डिजाइन र विकास सुजुकी मोटर कर्पोरेशन जापानले गरेको हो ।

यो नयाँ इभीको डिजाइन भविष्यमा आधारित पूर्ण आधुनिक रहेको छ । यसको वडी लाइन, ह्विल, रुफलाइन र अगाडीको विन्ड सिल्ड आकर्षक र आधुनिक देखिएको छ । अटो एक्सपोमा सुजुकीले यो नयाँ इभीको कन्सेप्ट सहित अन्य १६ मोडललाई प्रदर्शनीमा राखेको छ ।