अटो पाइलट मोडमा गुडाएर टेस्ला चालक मस्त निदाएपछि

जर्मनीमा एक जना टेस्ला चालकलाई अटो पाइलट मोडमा गाडी गुडाएर मस्त निदाएको भन्दै प्रहरीले नियन्त्रमा लिएको छ । ती चालकले वमवार्ग शरहको हाइवेमा प्रति घण्टा ११० किलोमिटरको गतीमा कार हाँकीरहेका थिए । जसको गती एकनासको थियो भने अगाडी एउटै दिशामा गुडिरहेको थियो ।

ती चालकमाथी शंका लागेपछि हाइवे प्रहरीले उनलाई पिछा गर्दै जाँदा उनी स्टेरिङ ह्विलमाथी हात राखेर सिटमा मस्त निदाइरहेका थिए । उनलाई रोक्न प्रहरीले हर्नमार्फत जनाउ दिएपनि रोकिएका थिएनन् । प्रहरीले उनलाई १५ मिनेटसम्म पिछा गरेपछि वल्ल उनी व्युझिएको अन्तराष्ट्रिय मिडिया रिपोर्टहरुमा उल्लेख गरिएको छ ।

पछि नियन्त्रणमा लिएर चेकजाँच गर्दा ती चालकले मापदक पदार्थ सेवन गरेको जस्तो व्यवाहर देखाएका थिए । स्वास्थ्य अवस्था चेकजाँच गरेर रिपोर्ट नआउन्जेल सम्मका लागी उनको लाइसेन्स सस्पेन्स गरेको जनाइएको छ । मापसे जाँचमा उनी दोषि ठहरिए उनलाई हदैसम्मको कारवाही हुने र यदि सो गलत ठहरिएमा पनि रोड ट्राफिकको उल्लंघन गरेको आरोपमा उनीमाथी कडा सजाय हुने प्रहरीको भनाई छ ।

यो घटनाले अटो पाइलट मोडमा गाडी गुडाउँदा निम्तिन सक्ने सम्वभावित क्षतीलाई एकपटक पुन सतहमा ल्याएको छ । यो प्रविधीले चालकलाई सजिलो वनाउने भएपनि हेलचेक्राई बढ्दै जाँदा दुर्घटना निम्तिन सक्ने भन्दै चिन्ता र चासो व्यक्त हुन थालेको छ ।