२०२३ मा आउदै छन् यी १० नयाँ एसयूभी

सन् २०२२ मा बजारमा धेरै एसयूभी लन्च भए । यी मध्ये क्रसओभर र सब कम्प्याक्ट एसयूभी निकै लोकप्रिय रहे । स्न २०२३ मा पनि भेइकल निर्माता कम्पनीहरुले आफ्नो पोर्टफोलियोमा नयाँ एसयूभी समावेश गर्ने अनुमान गरिएको छ । आगामी वर्ष बजारमा लन्च हुनेछन् यी १० एसयूभी ।

१. जिप एभेन्जर
जिपले मार्च २०२३ मा नयाँ एभेन्जर लन्च गर्न सक्ने अनुमान गरिएको छ । यसमा १.२ लिटर पेट्रोल इन्जिन जडान गरिएको छ । जिप एभेन्जर लन्च भएमा ब्रेजा, म्याग्नाइट, सोनेट, नेक्सन र अन्य एसयूभीसँग प्रतिस्पर्धा गर्नेछ ।

२. मारुती जिम्नी
मारुती सुजुकीले भारतीय बजारका लागि ५ डोर जिम्नीमा काम गरिरहेको छ । सो कार कैयौ पटक परीक्षणको समयमा देखा परेको छ । सो कार अटो एक्स्पो २०२३ मा सार्वजनिक गर्ने सम्भावना रहेको छ ।

३. टाटा ह्यारियर/सफारी फेसलिफ्ट
टाटा ह्यारियर र सफारीको फेसलिफ्ट नयाँ डिजाइनमा देख्न सक्ने सम्भावना रहेको छ । यसमा ठूलो टचस्क्रिन, एडीएएस र ३६० डिग्री क्यामेरा हुने अनुमान गरिएको छ । सो एसयूभी अटो एक्स्पो २०२३ मा सार्वजनिक गर्ने अनुमान गरिएको छ ।

४. निसान एक्सट्रेल
निसान एक्सट्रेल आक्रामक डिजाइन र फिचरको कारण निकै लोकप्रिय छ । यसको लन्चिङको केही आधिकारीक जानकारी नभए तापनि सो मोडल अटो एक्स्पो २०२३ मा सार्वजनिक गर्ने अनुमान छ ।

५. होन्डा एचआरभी
यो एसयूभी २०२३ को मध्यमा लन्च गर्ने सम्भावना रहेको छ । सो एसयूभी हुन्डाई क्रेटा, मारुती ब्रेजा र किया सेल्टोससँग प्रतिस्पर्धा हुनेछ ।

६. एमजी हेक्टर फेसलिफ्ट
सो एसयूभी जनवरी २०२३ मा लन्च गर्न सक्ने अनुमान गरिएको छ । सो कार १.५ लिटर पेट्रोल मोटर, १.५ लिटर पेट्रोल हाइब्रिड पावरट्रेन र २.० लिटर डिजेल इन्जिनको साथमा लन्च गर्ने सम्भावना छ ।

७. फक्सवागन टिगुआन अलस्पेस
फक्सवागन टिगुआनको अपडेट भर्सन अलस्पेस जनवरी २०२३ मा लन्च गर्ने सम्भावना रहेको छ । यसमा पनि पुरानो मोडल टिगुआनकै डिजाइन एलिमेन्ट र इन्जिन प्रयोग गर्ने अनुमान छ ।

८. फोर्स गुर्खा
नयाँ फोर्स गुर्खा ५ डोरको हुनेछ । यसको डिजाइन पुरानो मोडलको जस्तै हुनेछ । यसमा २.६ लिटर टर्बाे डिजेल इन्जिन समावेश गर्ने अनुमान गरिएको छ ।

९. महिन्द्रा बोलेरो नियो प्लस
महिन्द्रा बोलेरो नियो प्लस पुरानो बोलेरो नियोको भेरिएन्ट हुनेछ । यसमा ७ देखि ९ सिटिङको विकल्प दिइनेछ । यसमा थार एसयूभीकै समान इन्जिनको विकल्प र समान पावरट्रेनको उपयोग गर्ने अनुमान गरिएको छ ।

१०. टोयोटा फच्र्युनर नेक्स्ट जेन
टोयोटा फच्र्युनर सबैभन्दा बढि बिक्री हुने एसयूभी मध्ये एक हो । कम्पनीले चाँडै नै २०२३ को मध्यमा नेक्स्ट जेनको फच्र्युनर लन्च गर्नेछ । सो एसयूभीको डिजाइन र इन्जिन नयाँ हुनेछ ।