सोनी र होन्डाको सहकार्यमा तयार भएको इभी जनवरी ४ मा सार्वजनिक हुँदै

जापानका दुई प्रख्यात कम्पनी सोनी र होन्डाले सहकार्य गरेर तयार पारेको पहिलो इलेक्ट्रिक कार जनवरी ४ मा सार्वजनिक हुने भएको छ । अमेरिकाको लास भेगासमा सो मितीमा आयोजना हुने कन्जुमर इलेक्ट्रिोनिक सोमा आफ्नो पहिलो कार सार्वजनिक गर्न दुवै कम्पनी सहमत भएका हुन् । यो कारको उत्पादन भने सन् २०२६ देखी शुरु हुने जनाइएको छ ।

यो नयाँ कारलाई सवैभन्दा पहिला उत्तर अमेरिकी मुलुकमा बिक्र शुरु गर्ने कम्पनीले योजना बनाएको छ । त्यसपछि यूरोप हुँदै जापानमा यसको बिक्री शुरु हुनेछ । सोनी होन्डा मोविलिटीले यो नयाँ कारमा अटोनोमस प्रविधी उपलब्ध गराउनसक्ने आँकलन गरिएको छ ।

सोनीलाई सो ईभीमा सफ्टवेयर सिस्टम जडान गर्ने जिम्मा दिइएको छ । सोनी कम्पनी क्लाउडमा आधारित सेवा र इन–क्याबिन इन्टरटेनमेन्ट विकल्पको लागि जिम्मेवार हुनेछ । होन्डाले कुन प्लेटफर्म प्रयोग गर्ने भन्ने निर्णय गर्ने र उत्पादन पनि गर्नेछ । कम्पनीले ईभी सेग्मेन्टमा आफ्ना प्रतिद्वन्दीहरूसँग प्रतिस्पर्धा गर्न लागि तयारी हुन विभिन्न उपायहरु अपनाउनेछ ।