१५ हजार छुटमा लेक्ट्रो ई–साइकल, डाउनपेमेन्ट नगरी मासिक किस्तामा लिन सकिने

लेक्ट्रो ई–साइकलको सी५ मोडल खरिद गर्ने ग्राहकले १५ हजार नगद छुट पाउने भएका छन् । आधिकारिक विक्रेता निम्वस इन्टरनेश्नलले नयाँ वर्ष अफरमा नगद छुटको साथै शून्य प्रतिशत डाउनपेमेन्टको यो इलेक्ट्रिक साइकल खरिद गर्न पाउने स्किम ल्याएको हो ।

सो अफर अन्तर्गत ग्राहकले डाउपमेन्ट नगरी सत् प्रतिशत रकमलाई मासिक रुपमा किस्ता भुक्तानी गरी खरिद गर्न पाउनेछन् । साइकलको मूल्य ८० हजार ९०० रुपैयाँ तोकिएको छ । यसमा स्मार्ट एलइडी डिस्प्ले र डवल वाल एलोई रिम जस्ता फिचर उपलब्ध छ ।

भारतको लोकप्रिय इलेक्ट्रिक साइकल व्राण्डको यो साइकलमा २५० वाटको लिथियम आयोन व्याट्री दिइएको छ । जसलाई एकपटक फूल चार्ज गर्दा ३० किलोमिटरसम्म यात्रा गर्न सकिन्छ । साथै यसलाई प्याडलको प्रयोग गरी समेत चलाउन सकिन्छ ।

६ महिनाअघि नेपाल भित्रिएको यो इलेक्ट्रिक साइकल ९ भिन्न मोडलमा उपलब्ध छ । यसको मूल्य ७५ हजार ९०० देखी १ लाख ३९ हजार ९०० रुपैयाँसम्म निर्धारण गरिएको छ । कम्पनीले यसको शोरुम ललितपुरको पुल्चोकमा संचालन गरिरहेको छ ।