डाउनपेमेन्ट नगरी मासिक २१ हजार किस्तामा इलेक्ट्रिक स्कुटर

सुन्दर ट्रेडर्स प्रालिले डाउनपेमेन्ट नगरी मासिक किस्तामा स्कुटर खरिद गर्न पाउने अफर ल्याएको छ । अङग्रेजी नयाँ वर्ष २०२३ को अवसरमा फाइडो व्रान्डको स्कुटरमा कम्पनीले यस्तो अफर ल्याएको हो । सो अफर अन्तर्गत ग्राहकले १ वर्षसम्म मासिक २१ हजार रुपैयाँ किस्ता भुक्तानी गरेर स्कुटर खरिद गर्न सक्नेछन् । स्कुटरको मूल्य २ लाख ४४ हजार रुपैयाँ रहेको छ ।

यो स्किममा स्कुटर खरिद गर्न चाहनेले नागरिकताको फोटोकपी, मासिक आम्दानीको स्रोत, पानी अर्थात विजुलीको विल र व्यवसायी भए व्यावसायको विवरण कम्पनीमा पेश गर्नुपर्नेछ । यसरी आवश्यक कागजत पेश गरेपछि कम्पनीले ग्राहकलाई स्कुटर उपलब्ध गराउनेछ ।

सन्दर ट्रेडर्सले बिक्री गर्दै आइरहेको यो स्कुटरमा ३ हजार २०० वाटको मोटर जडान गरिएको छ । यो स्कुटरले सिंगल चार्जमा १२० किलोमिटर दिने दावी छ । स्कुटरलाई ३ घण्टामा फूल चार्ज गर्न सकिन्छ । ग्राहकले व्याट्रीमा ३ वर्ष र मोटर तथा कन्ट्रोलरमा २ वर्षको वारेन्टि पाउनेछन् ।

यो स्कुटरमा यूएसवी पोर्ट, एन्टि थेप्ट लक, किलेश इन्ट्रि, पर्याप्त डिक्की स्पेश, रिभर्स सिस्टम र डिस्क व्रेक लगायत विशेषता दिइएको छ ।