को–को हुन सक्छन् वुलिङ एयर इभीको नेपालमा लक्षित ग्राहक ?

नेपाली बजारका लागि लामो समयदेखी प्रतिक्षा गरिँदै आएको वुलिङ एयर इभीको हिँजोबाट विक्री शुरु भएको छ । चीनमा सर्बाधिक विक्री हुने यो मिनी इलेक्ट्रिक कार सिटी ड्राइभका लागी चर्चित रहँदै आएको छ । इन्डोनिशियामा एसएआइसी र जनरल मोटर्ससंगको सहकार्यमा उत्पादन भएको यो सानो कारलाई वज्र ग्रुप अन्तर्गतको इभी नेपाल मोटर्सले नेपाल ल्याएको हो ।

नेपाली बजारमा इभीको माग बढिरहेको सन्दर्भमा भित्रिएको यो कारले सस्तो मूल्यमा सानो सिटी कार चाहने ग्राहकलाई आकर्षित गर्ने देखिन्छ । २०० र ३०० किलोमिटर रेन्ज दावी गरिएको यसको मूल्य क्रमश २४ लाख ९९ हजार र ३० लाख ९९ हजार रुपैयाँ निर्धारण गरिएको छ ।

दुई फरक व्याट्री साइजमा उपलब्ध यसको सर्ट रेन्ज भेरिएन्टमा १७.३ किलोवाट अवारको व्याट्री र ३० किलोवाट क्षमताको मोटर जडान गरिएको छ भने अर्को लङ रेन्जमा २६.७ किलोवाट आवरको व्याट्री तथा ३० किलोवाटकै मोटर जडित छ ।

आकार सानो भएपनि यसले दिने भनिएको रेन्जका आधारमा यो एउटा पर्फेक्ट सिटी कार वन्ने देखिएको छ । चीन र इन्डोनेशियामा पनि यो कार रेन्जकै कारण लोकप्रिय वन्न सफल भएको हो । जुन नेपाली इभी पारखीका लागी समेत एउटा राम्रो दृष्टान्त वन्नसक्छ ।

नेपालमा इभी खरिद गर्न चाहने ग्राहकले रेन्ज र मूल्यमा सवैभन्दा बढी चासो व्याक्त गर्दै आइरहेका छन् । जसलाई वुलिङको यो कारले सहजै संवोधन गर्न सक्ने अधार देखिएको छ । अर्कोतर्फ चार्जिङ पूर्वाधार, बिक्री पछिको सेवा र सहज उपलब्धतामा भने कम्पनीले भोलिका दिनमा कस्तो रणनिती अगाल्ने हो भन्ने सवालहरु प्रतिक्षाकै विषय वन्नेछन् ।

नेपालमा यसअघि पनि विभिन्न व्रान्डका मिनी इभीहरु आएपनि ती इभीको अन्तराष्ट्रिय बजारमा खासै राम्रो एक्स्पोजर नभएका कारण बजार लिन संघर्ष गरिरहनु परेको छ । यस्तोमा एयर इभीको अन्तारष्ट्रिय बजारमै राम्रो साख रहेका कारण उसलाई व्रान्डिङको मामलमा सहज हुने अनुमान गर्न सकिन्छ ।

व्रान्ड, रेन्ज र मूल्य यी तीनवटै पक्षमा अव्वल सावित भएरपनि यो कारले नेपाली ग्राहकको मनोविज्ञानलाई कसरी क्यास गर्छ भन्ने विषय आगामी दिनमा यसले दिने पर्फमेन्सले नै निर्धारण गर्नेछ । सिटी कार भएका कारण यसले ग्राहकको ठूलो आकांक्षालाई भने पूर्ण रुपमा सम्वोधन नगर्ने लगभग पक्कापक्कि जस्तै देखिन्छ । यसमा पनि यदि ग्राहकले यसलाई सिटी कारकै रुपमा हेरिदिएर सोही अनुुसारको अपेक्षा गरिदिएको खण्डमा सहज फिल हुनेछ ।

नेपालमा यसलाई ग्राहकले आफ्नो सेकेन्ड कारका रुपमा लिने संभावना प्रवल देखिन्छ । पहिले नै आफूसंग अर्को कम्वस्चन कार छ भने एउटा इभी पनि थपौ भन्ने ग्राहकका लागी एयर इभी उत्तम विकल्प वन्नेछ । जसलाई यस्ता ग्राहकले सिटी भित्रको छोटो दुरीमा सहजताका साथ चलाउन सक्नेछन् ।

अर्कोतर्फ इभी खरिद गर्न चाहना राख्ने तर धेरै मुल्य तिर्न नसक्नेहरुका लागी पनि यो एक राम्रो विकल्प वन्नेछ । जसमा वैंक तथा वित्तिय संस्थाले इभीमा प्रवाह गर्ने सहज कर्जाले पनि साथ दिनेनै छ । शूरुमा २० प्रतिशत रकम डाउनपेमन्ट गरेर मासिक २२ हजार हराहारी किस्ता तिर्नसक्ने ग्राहकका लागी यो कार राम्रो विकल्प वन्नेछ ।

यो कार खरिद गर्नसक्ने संभावित ग्राहक ति पनि हुन् जो आफ्नो पहिलो कार इभी नै होस तर मूल्य कम परोस भन्ने चाहन्छन् । यस्ता ग्राहकले यसलाई इन्ट्रि लेवल इभीका रुपमा खरिद गर्ने संभावना प्रवल देखिन्छ ।