म्याक्ससका डबल क्याब पिकअप नेपालमा, यस्तो छ मूल्य र फिचर

पारामाउन्ट मोटर्सले नेपाली बजारमा म्याक्सस ब्रान्डका दुई मोडलका पिकअप बिक्री प्रारम्भ गरेको छ । टी६० र टी७० मोडलका यी दुई पिकअप कमर्सियल र प्यासेन्जर दुवै कार्यका लागि उपयोग गर्न सकिन्छ ।

चिनिय सवारी निर्माता कम्पनी एसएआईसीले उत्पादन गरेको यो ब्रान्ड अन्तर्गत म्याक्सस टी६० २.८ लिटर र टी७० २.० लिटर ट्रबो डिजेल इन्जिनमा उपलब्ध छन्। टी६० ले १४८ एचपी पावर र ३६० एनएम टर्क जेनेरेट गर्छ भने टी७० ले १४८ एचपी पावर र ३७५ एनएम टर्क जेनेरेट गर्छ। यसमा ६– स्पिड गियर बक्स उपलब्ध छ। यो पिकअप फोर ह्वील ड्राइभ सुविधा भएको गाडी हो।

दुवै पिकअपमा इको, नर्मल र पावर गरी तीन ड्राइभिङ मोडहरु छन्। यसमा ३१५५ एमएमको ह्वीलबेस छ भने ग्राउन्ड क्लियरेन्स २१५ एमएम रहेको छ।

टी६० मा २७७६ सीसी र टी७० मा १९९५ सीसी इन्जिन उपलब्ध छ। जसमा युरो ४ सट्यान्डर्डको शुन्य कार्वन उत्सर्जन प्रविधि पनि राखिएको छ। यस्तै यसमा ७५ लिटर स्टोरेज क्षमता भएको फ्युअल ट्यांकको व्यवस्था गरिएको छ। यो ५ सिटर पिकअप हो।

टी७० डिलक्स भर्सनमा र टी६० लक्जरियस भर्सनमा उपलब्ध छ। गाडीमा हाइड्रोलिक पावर स्टेयरिङ, टिल्ट एडजस्डेबल स्टेयरिङ छ । यसमा क्रुज कन्ट्रोल पनि छ।

सुरक्षाका लागि यसले ५ स्टार एनक्याप रेटिङ प्राप्त गरेको छ। दुबैमा डिस्क ब्रेक उपलब्ध छ। यस्तै ह्यान्ड पार्किङ ब्रेक र थ्री प्वाइन्ट सेफ्टी बेल्ट उपलब्ध रहेको छ। एलईडी हेडलाइट, फ्रन्ट र रियर फगल्याम्प, डे–टाइम रनिङ ल्याम्प, अटोमेटिक फ्रन्ट वाइपर जस्ता फिचरहरुको सुविधा छन्।

म्याक्सस टी७० को मूल्य ६८ लाख ४९ हजार र टी६० को मूल्य ७७ लाख ९९ हजार रुपैयाँ छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...