भ्वाइस असिस्ट फिचर्स भएको पहिलो स्कुटर, टिभिएस एनटर्क रेस एक्सपी

टिभिएस मोटर्सले स्कुटर सेग्मेन्टमा पहिलो पटक भ्वाइस असिस्ट फिचर्स सामेल गरेर नयाँ स्कुटर ल्याएको छ । टिभिएस मोटर्सको सर्वाधिक लोकप्रिय मोडलका रुपमा स्थापित एनटर्कको रेस एक्सपी भेरियन्ट यो स्कुटरलाई नेपालका लागी आधिकारिक वितरक जगदम्वा मोटर्सले नेपाली बजारमा समेत उतारेको छ । केही दिन पहिलेमात्र लन्च भएको यो स्कुटरको मूल्य नेपालमा ३ लाख ५ हजार ९ सय रुपैयाँ निर्धारण गरिएको छ । जुन यहि सेग्मेन्टका अन्य स्कुटरको तुलनामा केही महंगो देखिएको छ ।

स्कुटर उद्योगमै सबैभन्दा पहिलो भ्वाइस–असिस्ट फिचर एनटर्क एक्सपीमा सामेल गरिएको टिभिएसले दावी गरेको छ । स्मार्ट एक्सकनेक्ट कनेक्टिभिटी प्ल्याटफर्म मार्फत संचालित भ्वाइस–असिस्ट फिचर उपलब्ध यस स्कुटरलाई टीभीएस कनेक्ट मोबाइल एप मार्फत सजिलै कनेक्ट गर्न सकिन्छ ।

युवा वर्गको लागि लक्षित गरेर डिजाइन गरिएको एनटर्क स्कुटरमा रहेको भ्वाइस असिस्टको सहायताबाट राइडरहरुले मोड चेन्ज, नेभिगेसन, कन्सोल ब्राइट्नेस अड्जस्टमेन्ट र डीएनडी लगायत अन्य थुप्रै कनेक्टिभिटी फङसनहरु सजिलै प्रयोग गर्न सक्नेछन् । यसले गर्दा राइडरहरुले ड्राइभ गर्दा–गर्दै पनि कुनै पनि ब्लुटुथ कनेक्टेड डिभाइस मार्फत आवाजकै भरमा विभिन्न सेटिङ्हरु कन्ट्रोल गर्न सक्छन् ।

त्यस्तै यसको अर्को प्रमुख अपडेट भनेको पर्फर्मेन्स पारामिटरलाई ग्राफिकल्ली देखाइएको छ । यसै गरी यसमा नियमित आवतजावत गरिरहने रुटहरु सेभ पनि गर्न मिल्छ जसले गर्दा यसको नेभिगेसन झनै उपयोगी बनाएको छ । यसमा समावेश गरिएको टीभीएस रेसिङ पेडिग्रीले स्कुटरलाई उच्चतम पर्फर्मेन्स प्रदान गर्छ । यसमा भएको रेस टनेल फ्युल इन्जेक्सन (आरटी–एफआई) इन्जिनका कारण यसको पर्फमेन्स अझै उच्च बनाएको छ ।