नेपालमा सार्वजनिक भयो यामाहा आर१५ भी४ मोटरसाइकल, यस्तो छ मूल्य र फिचर

काठमाडौं – नेपालका लागि यामाहाको आधिकारिक वितरक एमएडब्ल्यु इन्टरप्राइजेजले यामाहा आर१५ भी४ मोटरसाइकल लन्च भएको छ । बिहीबार काठमाडौंको नक्सालस्थित यामाहा ब्लु स्क्यावार सोरुममा उक्त मोटरसाइकल लन्च गरिएको हो ।

१५५ सीसी क्षमताको यो बाइकमा लिक्विड कुल्ड भीभीए एफआई इन्जिनको प्रयोग गरिएको छ, जसले अधिकतम १८.३ बीएच पावर र १४.१ एनएम टर्क प्रदान गर्ने एमएडब्ल्यू इन्टरप्राइजेज सीईओ राजु क्षेत्रीले बताए । यसको कुल तौल १४२ केजी रहेको छ । यसमा ६ स्पिड गियरबक्सको साथमा स्लिपर क्लच दिइएको छ ।

मोटरसाइकलमा एक्जस्ट, ठुलो विन्डस्क्रिन, फुल डिजिटल इन्स्ट्रयुमेन्ट क्लस्टर, व्लुटुथ कनेक्टिभिटी, क्विक सिफ्टर, ट्रयाक्सन कन्ट्रोल, नयाँ बडी ग्राफिक, यूएसडी फोर्क, नयाँ हेडलाइट जस्ता फिचरहरु पाउन सकिन्छ ।

मोटरसाइकलको कुल तौल १४२ किलोग्राम रहेको छ । आर१५ भी४ मा ब्लुटुथ कनेक्टिभिटी फिचर रहेको छ । सो फिचरमार्फत यामाहाको नेटिभ एपको माध्यमबाट स्मार्टफोन कनेक्ट गर्न सकिनेछ ।

नेपाली बजारमा यसको मूल्य ५ लाख ७२ हजार ९ सय रुपैयाँ तोकिएको छ । यो बाइक ब्लू, रेड र ब्ल्याक गरी मुख्य तीन कलरमा पाउन सकिनेछ ।