सेगवे ई–स्कुटर किन्दा ७ उपहार पाइने

काठमाडौँ – नेपालका लागि सेगवेको आधिकारिक वितरक आईहव प्रालिले आगामी दशैं, तिहार र छठको अवसरमा ग्राहकहरुलाई आकर्षक छुट र पुरस्कारहरु उपलब्ध गराएको छ ।

यो अफर नेपालका सबै सेगवे ई–स्कुटरका लागि मान्य हुनेछ । ‘यो दशै/तिहार सेगवेको साथ उपहार ७’ अफर नेपालमा सेगवेको दुईपाङ्ग्रे सवारी साधनको आक्रमक बजार रणनीति र विस्तारको निरन्तरता भएको कम्पनीको भनाइ छ । सेगवेले नेपाली ग्राहकका लागि विविधता र गुणस्तर दुवै सुनिश्चित गरी उत्पादन उपलब्ध गराउने योजना बनाएको छ ।

यस अफरमा ग्राहकहरुले कुनै पनि सेगवेको उत्पादन खरिद गर्दा १० हजार नगद छुट, अमेजफिट ब्यान्ड ५ वा अमेजफिट नियो ब्यान्ड जस्ता निश्चित पुरस्कारहरू जित्न सक्नेछन् । साथमा निःशुल्क बिमा र सडक कर पनि हुनेछ ।

ग्राहकहरूले लक्की ड्र मार्फत विभिन्न पुरस्कारहरू जित्ने अवसरहरू पनि प्राप्त गर्नेछन् । लक्की ड्र मार्फत २ जनाले एफ४० किक स्कुटर, २ जनाले मेइजु एम१७ स्मार्टफोन र ५ जनाले अमेजफिट जीटीएस २ स्मार्ट घडी जित्नेछन साथै एक्सचेन्ज सुविधा, निःशुल्क एएमसी र ईएमआईको सुविधा पनि छ ।