प्रदूषण कम गर्न हाइड्रोजनबाट चल्ने स्कुटर ल्याउदै टीभीएस

विश्वभरि द्रुत रूपमा बढ्दो प्रदूषण स्तरलाई कम गर्नका लागि अटो निर्माता कम्पनीहरूले यसतर्फ ध्यान दिइरहेका छन् । सो कार्यका लागि टीभीएस कम्पनी पनि अघि सरेको छ । टीभीएसले हालै हाइड्रोजनबाट चल्ने स्कुटरको विकल्प अघि सारेको छ ।

केही समय अघि भारतीय अटोमेकरको नाम र डिजाइन भएको फोटो अनलाइनमा लिक भएको थियो । उक्त लिक भएको फोटो अनुसार केही कम्पनीले उक्त स्कुटरमा काम गरिरहेको भन्ने पुष्टि गरेको छ, जसमा स्कुटरको फ्रेमको अगाडिको डाउनट्युबमा २ वटा हाइड्रोजन ‘इन्धन’ क्यानिस्टर राखिएको छ । सो डिजाइनमा फिलर नोजल अगाडिको एप्रोनमा अवस्थित छ र पाइपले २ वटा क्यानिस्टर जोडिएको छ ।

हाइड्रोजन इन्धन बाइकको सिट मुनि हुनेछ । साथै, यो स्कुटरको फ्लोरबोर्ड मुनि ब्याट्री प्याक पनि हुनेछ, जसको साइज भने तय गरिएको छैन । यसमा पावरको आवश्यकता घट्दा इन्धन सेलले ब्याट्री प्याक भर्छ । मोटरको लागि, टीभीएसले हब–माउन्ट गरिएको ४.४ केडब्ल्यु जडान गर्नेछ ।

हाइड्रोजन फ्युलले ब्याट्रीले जस्तै काम गर्छ, जसमा तिनीहरूको क्याथोड र एनोडको बीचमा इलेक्ट्रोलाइट पनि हुन्छ । एनोडले हाइड्रोजन प्राप्त गर्छ र क्याथोडले वायुमण्डलबाट अक्सिजन प्राप्त गर्छ । एनोडको सम्पर्कमा आउने वित्तिकै हाइड्रोजनमा प्रोटोन र इलेक्ट्रोनलाई छुट्याउँछ ।

क्याथोडमा पुग्न प्रोटोनलाई इलेक्ट्रोलाइटको माध्यम मात्र हुन्छ । तसर्थ, क्याथोडमा पुग्नको लागि, इलेक्ट्रोन बाहिरी तार मार्फत जानुपर्छ । त्यहाँ पुगेपछि बिजुलीमा परिवर्तन हुन्छ र नियन्त्रक तथा मोटरमा पठाइन्छ । अन्ततः प्रोटोन र इलेक्ट्रोन दुवैको साथ क्याथोडमा पुगेपछि, हाइड्रोजन र अक्सिजनले पानीको वाफ उत्पादन गर्न मिल्छ, जुन निकास ग्यासको रूपमा निस्कन्छ ।