नेपाली बजारमा ८ लाख ९९ हजार रुपैयाँ सम्म मूल्यका ४ क्रुजर बाइक

क्रुजर बाइकको लोकप्रियता युवामाझ बढ्दै गएको छ । आरामदायी सिट पोजिसन, कम सिट हाइट, लामो ह्विलबेस र हाइएस्ट ह्यान्डलबार भएका कारणले गर्दा क्रुजर बाइकको लोकप्रियता बढेको हो ।

रोयल इन्फिल्ड क्लासिक ३५०
क्लासिक ३५० ब्ल्याकको मूल्य ६ लाख ४० हजार रुपैयाँ र ब्याटल ग्रिन, गन ग्रे, रेडिच रेड र एसको मूल्य ६ लाख ५० हजार रुपैयाँ तोकिएको छ । यो बाइकको डिजाइन युवाहरुले निकै रुचाएका छन् । सो बाइकमा घडी, ट्रिप मिटर, स्पिडोमिटर, फ्युल गेजलगायतका फिचर उपलब्ध छ ।

होन्डा सीबी३५०आरएस
यो बाइकको प्रारम्भिक मूल्य ८ लाख ९८ हजार ९ सय रुपैयाँ छ । कम तौल र ठूलो ट्याङ्की भएको २ पाङ्ग्रे ब्रान्डको होन्डा सीबी३५०आरएस आकर्षक विकल्प हो । यसमा १५ लिटरको इन्धन क्षमता छ ।

बजाज एभेन्जर क्रुज २२०
यो क्रुजर लुकमा आउने सबैभन्दा कम मूल्यको बाइक हो । यसको मूल्य ३ लाख ९९ हजार ९ सय रुपैयाँ छ । सो बाइकले उच्च माइलेज दिन्छ । सो बाइकको टप मोडलको इन्धन क्षमता, इन्जिनको गुणस्तर र परफर्मेन्स उत्कृष्ट रहेको छ ।

जावा पेराक
यो बाइकको मूल्य ८ लाख २० हजार रुपैयाँ छ । सो बाइकमा ३३४ सीसी लिक्विड कुल्ड सिंगल सिलिन्डर इन्जिन जडान गरिएको छ, जसले ३०.४ बीएचपी पावर र ३२.७४ एनएम टर्क जेनेरेट गर्छ । यसमा ६ गियर रहेको छ ।