नयाँ फिचर सहित लन्च भयो हिरो एक्सट्रिम १६० आर, कति छ मूल्य ?

हिरो मोटोकर्पले एक्सट्रिम १६०आर बाइक अपडेट सहित १ लाख १७ हजार १ सय ४८ भारु मूल्यमा लन्च गरिएको छ । नयाँ एक्सट्रिम १६०आरको ड्यासबोर्डमा नयाँ गियर पोजिसन इन्डिकेटर दिइएको छ, साथै बाइकमा नयाँ डिजाइनको सिट र ग्रेब रेल पनि दिइएको छ । बाइकमा सिंगल पोड हेडलाइट, मस्कुलर डिजाइन, साइड स्लङ्ग एक्जस्ट र कालो अलोय ह्विल पनि दिइएको छ ।

सो बाइक सिंगल डिस्क, ड्युअल डिस्क र स्टेल्थ एडिसन गरी ३ भेरिएन्टमा उपलब्ध छ । बाइकमा १६३ सीसी सिंगल सिलिन्डर, एयरकुल्ड इन्जिन प्रयोग गरिएको छ, जसले ८५०० आरपीएममा १५ बीएचपी र ६५०० आरपीएममा १४ एनएम टर्क जेनेरेट गर्छ ।

बाइकको इन्जिन ५ स्पिड गियरबक्ससँग जोडिएको छ । सो बाइकमा १००÷८० र १३०÷७० सेक्शन फ्रन्ट र रियर टायर १७ इन्च रहेको छ । संगल डिस्क भेरिएन्टको कर्ब वेट १३८.५ केजी छ, जबकि ड्युअल डिस्क मोडलको वजन १३९.५ केजी छ । यसमा १२ लिटर क्षमताको इन्धन ट्याङ्की छ । सो बाइक ५ रङमा उपलब्ध छ ।

सिंगल डिस्क भर्सनको रियरमा ड्रम ब्रेक सेटअप प्रयोग गरिएको छ । ड्युअल डिस्क ब्रेक भेरिएन्ट र स्टेल्थ एडिसनको दुवै पाङ्ग्रामा डिस्क ब्रेक प्रयोग गरिएको छ । सेफ्टीको लागि बाइकमा सिंगल च्यानल एबीएस दिइएको छ, साथै बाइकको फ्रन्ट टेलिस्कोपिक फोर्क र रियर प्रिलोड–एड्जटेबल रियल मोनो–शक सस्पेन्सन युनिट छ ।

हिरो एक्सट्रिम १६०आर ड्युअल डिस्कको मूल्य १ लाख २० हजार ४ सय ९८ र १६० आर स्टेल्थको मूल्य १ लाख २२ हजार ३ सय ३८ भारु राखिएको छ । भारतमा सो बाइक बजाज पल्सर एन१६० र टीभीएस अपाचे १६० ४भीसँग प्रतिस्पर्धा हुन्छ ।