सबैभन्दा ठूलो इन्फोटेनमेन्ट सिस्टम र उत्कृष्ट फिचर सहित आउदै एमजीको नेक्स्ट जेन हेक्टर

एमजी मोटरले नेक्स्ट जेनेरेसन हेक्टरको पहिलो टिजर सार्वजनिक गरेको छ । नेक्स्ट–जेन हेक्टरको इन्टेरियर सिम्फनी अफ लक्जरीको अवधारणामा बनाइएको छ । सो कारमा भारतको सबैभन्दा ठूलो १४ इन्चको एचडी पोट्रेट इन्फोटेनमेन्ट सिस्टम हुनेछ ।

सन् २०१९ मा एमजी हेक्टर पहिलो पटक भारतमा प्रवेश गरेको थियो । हालसम्म कम्पनीले भारतमा एमजी हेक्टरको १ लाखभन्दा बढी युनिट बिक्री गरिसकेको छ । एमजीसँग हाल जेडएस ईभी, प्रिमियम एसयूभी ग्लोस्टर र कम्प्याक्ट एसयूभी एमजी एस्टर जस्ता एसयूभी उपलब्ध छ ।

एमजी मोटर इन्डियाले कनेक्टेड, अटोनोमस, शेयर्ड र इलेक्ट्रिक मोविलिटीबाट प्रेरित भएर अटोमोबाइल सेग्मेन्टमा मोबिलिटी अनुभव बढाइरहेको जानकारी दिएको छ । साथै लगातार इनोभेसन, उत्कृष्ट ग्राहक सेवा अनुभव, स्थिरता र कम्युनिटी प्रति समर्पणमा केन्द्रित भएको पनि बताइएको छ ।

एमजी हेक्टरको मिड साइज एसयूभी १२ देखि २५ लाख भारु मूल्यमा उपलब्ध छ र यो सेग्मेन्टमा अन्य कम्पनीलाई कडा प्रतिस्पर्धा दिइरहेको छ । हाल सो सेग्मेन्टमा महिन्द्राको एक्सयूभी ५००, टाटा हेरियर, जीप कम्पास, हुन्डाई क्रेटा जस्ता मोडलहरू बजारमा उपलब्ध छ ।

नेपाली बजारमा पनि एमजी हेक्टर उपलब्ध छ । यसको मूल्य ५९ लाख ९९ हजार देखि ८१ लाख ४९ हजार रुपैयाँ सम्म छ ।