हिरोले ल्यायो एक्स पल्स २०० फोरभीको -याली एडिसन, ग्राउन्ड क्लिरियन्स २७५ एमएम

हिरो मोटोकर्पले उच्च ग्राउन्ड क्लिरियन्स सहित एक्स पल्स २०० फोरभीको -याली एडिसनलाई भारतीय बजारमा लन्च गरेको छ । यो अफरोडमैत्री मोटरसाइकलको मूल्य १ लाख ५२ हजार भारु तोकिएको छ ।

यो नयाँ वाइकमा २५० एमएमको फ्रन्ट र १० स्टेपमा एडजस्ट गर्न मिल्ने २२० एमएमको रियर सस्पेन्सन जडान गरिएको छ । यसमा भएको सिट ८८५ एमएम उचाइको छ । यसैगरी यो बाइकको ग्राउन्ड क्लिरियन्स २७५ एमएम भएका कारण जस्तोसुकै अफरोडमा चालाउँदा समेत इन्जिनले जमिनको सतहलाई छुने कुनै जोखिम रहँदैन । साथै एड्जस्टेवल सस्पेनसका कारण यस्तो सडकमा चलाउँदा समेत आरामदायी यात्राको अनुभुती मिल्छ ।

यो स्पेसल एडिसनमा १९९.६ सीसी क्षमताको सिंगल–सिलिन्डर इन्जिन जडान गरिएको छ । जुन आयल–कूल्ड, फ्युल–इन्जेक्टेड, फोर–स्ट्रोक, फोर–भल्भ विशेषतायुक्त छ । यो वाइकको अधिकतम पावर १९.१ हर्सपावर र टर्क १७.३५ एनएम रहेको छ ।

यसमा डीआरएल सहितको एलईडी हेडल्याम्प, ब्लुटुथ कनेक्टिभिटीसहितको डिजिटल इन्स्ट्रयुमेन्ट क्लस्टर, सिंगल च्यानल एबिएस र गियर सिफ्ट लिभर जस्ता फिचर्स उपलब्ध गराइएको छ । यो बाइक रेसिङ कलर ह्वाइट र रेडमा उपलब्ध छ ।