वीरगन्जमा हिरो मोटरसाइकल र स्कुटर : मोडल, माइलेज र पिकअपमा ध्यान

वीरगन्ज – वीरगन्जको त्रिमुर्तीचोकमा हिरो मोटोकर्पको डिलरको रुपमा एनजीएम ट्रेडिङ प्रालि अवस्थित छ । नेपालका लागि हिरोको आधिकारिक वितरक नेपाल जेनरल मार्केटिङ (एनजीएम) प्रालिको आधिकारिक डिलरको रुपमा २०६९ साल देखि नै एनजीएम ट्रेडिङले वीरगन्जमा हिरोका मोटरसाइकल र स्कुटर बिक्री गरिरहेको छ । यो भन्दा पहिले हिरो र होन्डा एउटै भएको अवस्थामा समेत कारोबार भइरहेको थियो ।

वीरगन्जमा सबैभन्दा बढी बिक्री हुने हिरोको बाइक सुपर स्प्लेन्डर भएको एनजीएम ट्रेडिङका म्यानेजर प्रवेश डंगोलले बताए । विशेष गरी विवाहको समयमा उपहारको रुपमा यो मोटरसाइकल प्रदान गर्ने चलन छ । त्यसैगरी हिरो ग्ल्यामर मोटरसाइकल र स्कुटरमा प्लेजर यो क्षेत्रमा बढी बिक्री हुने गर्छ । यद्यपि हिरोका अन्य मोडल पनि यो क्षेत्रमा बिक्री हुने गरेका छन् । पछिल्लो समयमा भित्रिएको हिरोको एड्भेन्चर बाइक एक्सपल्स २०० फोरभी समेत यो क्षेत्रमा रुचाइने गरिन्छ । युवाहरुले यो बाइकलाई रुचाउने गरेको डंगोलले बताए ।

बाइक वा स्कुटरको मोडलका साथै माइलेज र पिकअपलाई आधारमा मानेर यो क्षेत्रका ग्राहकले बाइक वा स्कुटरको खोजी गर्छन् । उपहारको रुपमा दिन मात्र होइन, कार्यालय प्रयोजनका लागि समेत दैनिक रुपमा चलाउन सहज हुने कम्युटर बाइक रोज्ने चलन बढ्दो छ ।

पछिल्लो समयमा भित्रिएका बीएस६ प्रविधिका बाइक वा स्कुटरको वारेमा समेत ग्राहकको रुचि बढ्दै गएको छ । समय अनुसार ग्राहक पनि सचेत बन्दै गएका छन् ।

एनजीएम ट्रेडिङले वीरगन्जमा थ्रीएस अर्थात सेल्स, सर्भिस र स्पेयर पार्ट्सको सुविधा उपलब्ध गराइरहेको छ । ग्राहकको चाहना अनुसारका मोडल उपलब्ध गराउनुका साथै बिक्री पछिको सेवा समेत प्रदान गर्ने भएकाले ग्राहकले यो ब्रान्डलाई रुचाउने गरेको डंगोलले बताए ।