मेयर र मिस इन्टरनेसनल नीति शाहबाट सुर्खेतमा लेभ्निङ इलेक्ट्रिक स्कुटरको शोरुम उद्घाटन हुँदै

नेपाली बजारमा लेभ्निङ इलेक्ट्रिक स्कुटर बिक्री–वितरण गरिरहेको बज्र ग्रुप अन्तर्गतको ईभी मोटर्स नेपालले आज सुर्खेतमा नयाँ शोरुम उद्घाटन गर्ने भएको छ ।

लेभ्निङ इलेक्ट्रिक स्कुटरको सुर्खेतको लागि आधिकारिक विक्रेताको रुपमा श्री गणेश इन्टरनेसनल अटोमोबाइल घोषणा भएको छ । सुर्खेतको वडा नम्बर ६ जुम्ला रोडमा रहेको लेभ्निङ शोरुमबाट आज अपरान्ह २.३० बजे पत्रकार सम्मेलन सहित नयाँ शोरुम उद्घाटन गरिने बताइएको छ ।

वीरेन्द्रनगर नगरपालिकाका मेयर मोहन माया ढकाल र मिस इन्टरनेसनल २०१७ विजेता नीति शाहबाट संयुक्त रुपमा शोरुम र प्रोडक्ट लन्च हुने श्री गणेश इन्टरनेसनल अटोमोबाइलका संस्थापक प्रेम कुमार बिसीले जानकारी दिए । उद्घाटनको अवसरमा सुर्खेतलाई इलेक्ट्रिक भेइकल सहर भनेर घोषणा गरिने समेत बताइएको छ ।