व्रेकिङ सिस्टममा समस्या आउनसक्ने भन्दै मर्सिडिज वेन्जले १० लाख कार फिर्ता लिने

मर्सिडिज वेन्जले व्रेकिङ सिस्टमा समस्या आउनसक्ने अनुमान लगाउँदै विश्व बजारबाट १० लाख हराहारी कार फिर्ता लिने तयारी थालेको छ । जर्मन फेडरल ट्रान्सपोर्ट अथोरिटीले एपिएफलाई जनाए अनुसार सन् २००४ देखी २०१५ को विचमा उत्पादन गरिएका एमएल र जिएल एसयुभी सिरिज तथा आर–क्लास लक्जरी भ्यानलाई उसले फिर्ता लिन लागेको हो ।उक्त मितीमा उत्पादन गरिएका कुल ९ लाख ९३ हजार यस्ता कारलाई फिर्ता लिएर परिक्षण गर्न लागिएको एपिएफले जनाएको छ ।

ग्राहकले आफूसंग भएको यी मोडलका गाडीमा कुनै समस्या महशुुस गरे तत्कालै कम्पनीलाई सम्पर्क गर्न समेत भनिएको छ । यसरी रिकल गरिने गाडीको परिक्षण गरेर समस्या रहित बनाएपछि ग्राहकलाई हस्तान्तरण गर्ने मर्सिडिज वेन्जको योजना छ ।

लक्जरी कार निर्माता मर्सिडिज वेन्जले यसअघि पनि आफ्ना गाडीमा हुन सक्ने सम्भावित समस्यालाई मध्यनजर गर्दै विभिन्न चरणमा गाडी रिकल गरी त्यसको उचित मेन्टिनेन्स गरेर ग्राहकलाई हस्तान्तरण गर्दै आइरहेको छ ।

ग्राहकको सुरक्षमा निकै नै संवेदनशिल मानिने मर्सिडिज जस्ता विश्वप्रख्यात कार उत्पादकहरुले आफ्नो कुनै गाडीमा समस्या आउँदा त्यसको पुरै लट फिर्ता वोलाएर सुरक्षा संवेदनशिलतामा उच्च चासो व्यक्त गर्ने गरेका छन् ।