आयो टीभीएस एनटर्कको नयाँ संस्करण एक्सटी

टीभीएसले एनटर्क स्कुटरको नयाँ संस्करण एक्सटी भारतीय बजारमा लन्च गरेको छ । यसलाई स्मार्ट कनेक्टको कनेक्टिभिटी प्लेटफर्म दिइएको छ, जसमा सेग्मेन्ट फर्स्ट–इन–क्लास सुविधाहरू उपलब्ध हुनेछन् । केही दिन पहिले टिजर देखाइएकोमा यो हाल सार्वजनिक गरिएको हो ।

दिल्ली एक्स–शोरूममा सो स्कुटरको प्रारम्भिक मूल्य १ लाख २ हजार ८२३ भारु तोकिएको छ । यो नयाँ भेरिएन्ट डिस्क ब्रेक भेरियन्टको साथ नियोन ग्रिन कलरमा उपलब्ध हुनेछ । यो टीभीएस एनटर्कको हाल सम्म उपलब्ध मोडल मध्ये सबैभन्दा माथिल्लो मोडल हो ।

यो स्कुटर खास फिचरको रुपमा यसमा सेगमेन्ट फर्स्ट हाइब्रिड एक्स कनेक्टका साथ रंगीन टीएफटी र एलसीडी कन्सोल प्राप्त हुनेछ । यसमा ग्राहकले ६० भन्दा बढी हाइटेक फिचर्स पाउनेछन् । यसमा भ्वाइस असिस्ट फिचर छ, जसले गर्दा ग्राहकले सिधै भ्वाइस कमाण्ड दिन सकिन्छ । नयाँ भेरिएन्टमा ग्राहकहरूले टीभीएस इन्टेलिगो प्रविधि पाउनेछन् । यसमा मौन स्टार्ट–स्टप सिस्टम समेत छ । यसमा हल्का र स्पोर्टी अलोय ह्विल दिइएको छ ।

यसमा रहेको प्रणालीले सामाजिक सञ्जाल सूचनाहरू, खाना वितरण ट्र्याकिङ जानकारी, मौसम पूर्वानुमान र एक्यूआई डेटा, क्रिकेट र फुटबल स्कोरहरू देखाउन सक्छ । यो कम्पनीको इन्टेलिगो स्टप–स्टार्ट प्रणाली फिचर गर्ने एनटर्कको पहिलो संस्करण पनि हो ।

यसमा पावरका लागि १२४.८ सीसी, सिंगल सिलिन्डर, ४ स्ट्रोक, ३ भल्भ, एयरकुल्ड, रेस ट्युन्ड फ्युल इन्जेक्सन (आरटी–एफाई) इन्जिन दिइएको छ । यसको इन्जिनले ७००० आरपीएममा ६.९ किलोवाटको अधिकतम पावर र ५५०० आरपीएममा १०.५ एनएमको पिक टर्क जेनेरेट गर्छ ।