म्याक्स भर्सटापेन बने इमिलिया रोमान्गा ग्रांपी विजेता

इमिलियामा अप्रिल २४ मा भएको फर्मुला वान रेस अर्थात ग्रान्ड प्रिक्स (ग्रांपी) रेड बुल चालक म्याक्स भर्सटापेनले जितेका छन् । इटालीको इमिलिया रोमान्गामा भर्सटापेनले ६३ ल्याप्स १ घण्टा ३२ मिनेट ८ सेकेन्डमा पुरा गरेका थिए ।

त्यस्तै करिब १६ सेकेन्ड बढी समय लगाएर रेड बुलकै सर्जियो पेरेजले दोस्रो स्थानमा रेस पुरा गरे भने म्याक्लरेनका ल्यान्डो नोरिसले तेस्रो स्थान हासिल गरे ।

जितसँगै म्याक्स भर्सटापेनले २६ अंक हासिल गर्दा पेरेजले १८ र नोरिसले १५ अंक प्राप्त गरे ।

वर्षभर विभिन्न स्थानमा हुने कार रेस प्रतियोगिता पश्चात अन्त्यमा सबै अंक जोड्दा बढी अंक प्राप्त गर्नेलाई विजेता घोषणा गरिन्छ । हाल सम्म भएका ४ रेस प्रतियोगिताको अंक तालिकामा फेरारीका चाल्र्स क्लेर्कल ८६ अंकका साथ शीर्ष स्थानमा छन् ।

रेड बुलका भर्सटापेन र पेरेज कमश ५९ र ५४ अंकका साथ दोस्रो र तेस्रो स्थानमा छन् ।