९ हजार रुपैयाँ सम्म बढ्यो होन्डा मोटरसाइकल र स्कुटरको मूल्य

काठमाडौं – नेपालमा होन्डा मोटरसाइकल र स्कुटरको मूल्य बढेको छ । होन्डाको नेपालका लागि आधिकारिक वितरक स्याकार ट्रेडिङ कम्पनीले अधिकांश मोडलको मूल्य वृद्धि गरेको हो ।

नयाँ मूल्य सूची अनुसार न्यूनतम ४ हजार देखि अधिकतम ९ हजार रुपैयाँ सम्मले मूल्य बढेको छ । होन्डाका ग्राजिया र डियो लगायतका स्कुटरको मूल्यमा ४ हजार रुपैयाँ सम्मले मूल्य बढेको छ भने युनिकर्न, साइन लगायतका मोटरसाइकलको मूल्य ९ हजार रुपैयाँ सम्मले बढेको छ ।

नेपाली बजारमा होन्डाका २ लाख १६ हजार देखि ७ लाख ९० हजार रुपैयाँ सम्मका मोटरसाइकल र स्कुटर बिक्रीका लागि उपलब्ध छन् ।