मोटरहेड ‘पर्व खुशीको पर्व विश्वासको’ लक्की ड्र सार्वजनिक, तुलाधरले पाए १ लाख रुपैयाँ

काठमाडौं – मोटरहेड ब्राण्डको नेपालका लागि आधिकारिक वितरक एसएलआर टेक्नो एण्ड ट्रेड प्रालिले आफ्नो ‘पर्व खुशीको पर्व बिश्वासको’ नामक दशैं, तिहार, छठ अन्तर्गतको अफरको आज लक्की ड्र कार्यक्रम समापन गरेको छ ।

उक्त अफर २०७८ भाद्र २४ गते देखि कात्तिक २४ सम्म लागु गरिएको थियो । यस अफर अन्तर्गत खरिद गर्ने ग्राहकलाई कम्पनीले नगद खरिदमा १२ हजार छुट, फाइनान्स खरिदमा ८ हजार छुट तथा गोला प्रथाद्वारा तीन जना भाग्यशाली विजेतालाई १ लाख, ५० हजार र २५ हजार रुपैयाँ दिने घोषण गरेको थियो ।

यस अनुसार यसको लक्की ड्र को आयोजना आफ्नै धोबिघाट स्थित शोरुममा गरिएको थियो । उक्त लक्की ड्रमार्फत २५ हजारको विजेता सुशान्त पौडेल, ५० हजारको विजेता दया बुद्ध मगर र १ लाखको विजेता सुभेन्दु रत्न तुलाधर बनेका छन् ।

विजेताहरुले क्रमशः टेकु, बालाजु र धोबिघाट शोरुमबाट मोटरहेडको स्क्र्याम्बलर २५०, टेक्कन आर २५० र एमएच १५० मोटरसाइकल खरिद गरेका थिए । विभिन्न सञ्चारकर्मीहरुका माझ आयोजना गरिएको उक्त कार्यक्रममा मोटरहेडकै एमएच २५० मोटरसाइकल चलाउदैं आएका लुभु निवासी मनोज महर्जनको समेत उपस्थिति रहेको थियो ।

कार्यक्रमकै क्रममा महर्जनले मोटरहेडका मोटरसाइकलहरु वास्तबमै आरामदायी, विश्वसनीय र किफायती भएको जानकारी दिए । बिक्रीपछिको सेवामा कम्पनीले देखाएको चासो र सहकार्यले आफू प्रेरित भएको र अन्यलाई पनि यो चाइनिज मोटरसाइकल भनी नभागी, चाहिने मोटरसाइकल यही हो भनी खरिद गर्न उनले सुझाव दिए ।

कार्यक्रममा एसएलआर टेक्नो एण्ड ट्रेड प्रालिका डाइरेक्टर, जनरल म्यानेजर तथा अन्य स्टाफहरुको समेत उपस्थिति रहेको थियो ।